ဦးကျော်ဇောဦး၏ ရခိုင်အမျိုးသားနိ့ ဟောပြောချက် (၂၀၁၈ မေလ ၃၀ ရက်)

[ Zawgyi version here ]

ဦးေက်ာ္ေဇာဦး၏ ရခိုင္အမ်ိဳးသားနိ႔ ေဟာေျပာခ်က္
==========

ၿပီးခဲ့ေသာ ၂၀၁၈ ေမလ (၃၀) ရက္ေန႔ ညပိုင္း ဘူးသီးေတာင္ၿမိဳ႕ ေဘာလံုးကြင္း၌ က်င္းပခဲ့သည့္ ရခိုင္အမ်ိဳးသားနိ႔ အခမ္းအနားတြင္ ကၽြန္ေတာ္ တက္ေရာက္ေဟာေျပာခဲ့ပါသည္။ ေဟာေျပာခ်က္ ကို အႏွစ္ခ်ဳပ္ေျပာရမည္ဆိုလွ်င္ –

၁။ အမ်ိဳးသားႏိုင္ငံအဆင့္ကို တည္ေထာင္ႏိုင္သည့္ လူမ်ိဳးအဖြဲ႕အစည္းတို႔ nation တို႔အေနျဖင့္ အမ်ိဳးသားေန႔ကို က်င္းပၾကျခင္း အေၾကာင္း၊

၂။ nation သို႔မဟုတ္ patrie ဟု ဆိုသည့္ အဖတိုင္းျပည္တို႔မည္သည္မွာ (၁) အတိတ္၏ အေမြအႏွစ္ ႏွင့္ (၂) ပစၥဳပန္တြင္ အတူရပ္တည္ၾကရန္ သေဘာတူညီမႈ (consent) တို႔ပါ၀င္ေသာ ညီညြတ္ေသာ စိတ္ႏွလံုးျဖင့္ စုစည္းတည္ရွိေနျခင္းအေၾကာင္း၊

၃။ ရည္မွန္းခ်က္၊ လူထုေထာက္ခံမႈ ႏွင့္ စည္းကမ္းတို႔သည္ ေအာင္ျမင္မႈအတြက္ မလြဲမေသြ လိုအပ္ခ်က္မ်ား ျဖစ္သည့္အေၾကာင္း၊

၄။ လူထုခ်ီတက္ပြဲမ်ားတြင္ သီဆိုေလ့ရွိၾကသည့္ We shall overcome သီခ်င္း။ အနာဂတ္ တစ္ခ်ိန္ခ်ိန္တြင္ ေသခ်ာေပါက္ေက်ာ္လႊားေအာင္ျမင္ႏိုင္ၾကဖို႔ရာ ယေန႔ယခု မေၾကာက္ရြံ႕ဖို႔ လိုအပ္သည့္အေၾကာင္း၊

၅။ အက်ဥ္းစံ ေဒါက္တာေအးေမာင္အား ဤေဟာေျပာခ်က္ျဖင့္ ဂုဏ္ျပဳသည္ ဆိုသည့္ အေၾကာင္း . . .  တို႔ကို ေဟာေျပာခဲ့ပါသည္။

ေဟာေျပာခ်က္ အျပည့္အစံုကို ေအာက္တြင္ စာသားျဖင့္ ေဖာ္ျပထားၿပီး၊ တြဲဖက္ပါ video clip ကိုလည္း နားဆင္ႏိုင္ပါသည္။

မူရင္​း ဗီဒီယို ႐ိုက္​ကူးကူးသူ – Khin Mgshwe
ၾကာျမင္​့ခ်ိန္​ – ၂၅:၂၉ မိနစ္​

* * * * * * * * * * * * * *

(oration delivered by Kyaw Zaw Oo at Buthidaung Football Stadium on Arakan National Day 30 May 2018)

အားလံုး မဂၤလာပါ။

ေဒဂနိန္႔က်ေရာက္ေတ ငါးႏွစ္ေျမာက္ ရခုိင္အမ်ိဳးသားနိ႔ အထိမ္းအမွတ္အခမ္းအနားကို တက္ေရာက္ လာကတ္ေသာ ဘူးသီးေတာင္ၿမိဳ႕သူၿမိဳ႕သားမ်ားအားလံုးကို ေလးစားေၾကာင္း ပဏာမေျပာၾကားလိုပါေရ။ . . . ကၽြန္ေတာ္ ေက်ာ္ေဇာဦးပါ။

ရခိုင္အမ်ိဳးသားနိအခမ္းအနားမွာ ရခိုင္အမ်ိဳးသားနိ႔နန္႔ပတ္သက္လို႔ တစံုတရာ ေဟာေျပာဖို႔ ဖိတ္ၾကား ေရအတြက္နန္႔ ကၽြန္ေတာ္ မပ်က္မကြက္လာပါေရ။ ယေကေလ့ေသာ့ မုန္တိုင္းနန္႔ မိုးသက္လီျပင္းနန္႔ အခက္အခဲတိၾကားမွာ ျဖစ္လားခေရၾကားထဲက မျဖစ္နန္႔အျဖစ္ ကၽြန္ေတာ့္ကိုလာေခၚကတ္ေတ။ ကၽြန္ေတာ္ကလည္း မျဖစ္မနီလာပါေရ။ ေဟာေျပာခ်က္ကေတာ့ခါ ရာသီဥတုကလည္း တိမ္တိဆိုင္းလာေရအတြက္နန္႔ အခ်ိန္ေကာင္းေကာင္း မယူဘဲနန္႔ အတိုေခ်ရာေျပာလားပါဖို႔။ ယေကေလ့ေသာ့ အမွားအယြင္းနည္းေအာင္ ကၽြန္ေတာ္က ျဖေျဖးေခ် ေျပာလားဖို႔ စိုင္းစားထားပါေရ။ 

ရခိုင္လူမ်ိဳးရို႕၏ ရခုိင္အမ်ိဳးသားနိန္႔ကို လြန္ခေရ ငါးႏွစ္ေက်ာ္ကာလ ေက်ာက္ျဖဴမွာ က်င္းပခေရ ရခိုင္အမ်ိဳးသားညီလာခံမွာ ရခုိင္ျပည္နယ္ ၿမိဳ႕နယ္အသီးသီးက လႊတ္လိုက္ေတ ကိုယ္စားလွယ္အဖြဲ႕တိ အေသအခ်ာ ေဆြးေႏြးကတ္ၿပီးေက ဓည၀တီေခတ္ ရခုိင္ျပည္မွာ ျမတ္စြာဘုရားရွင္၏ ရုပ္ပြားေတာ္ကို သြန္းေလာင္း ၿပီးစီးေေသာ နိန္႔ ကဆုန္လျပည့္ေက်ာ္ တစ္ရက္နိန္႔ကို ရခုိင္အမ်ိဳးသားနိန္႔ အျဖစ္သတ္မွတ္ဖို႔ အမ်ား သေဘာတူ ဆံုးျဖတ္ခကတ္ပါေရ။ ယင္းအခါကပင္ ႏွစ္စိုင္ႏွစ္တိုင္း ကဆုန္လျပည့္ေက်ာ္ တစ္ရက္နိန္႔ ေရာက္ တိုင္း ရခုိင္ျပည္ ၿမိဳ႕နယ္အသီးသီးနန္႔ ကမၻာအရပ္ရပ္က ရခုိင္လူမ်ိဳးအစုအဖြဲ႕တိစြာ ရခိုင္ အမ်ိဳးသားနိန္႔ကို က်င္းပခကတ္စြာ ျဖစ္ပါေရ။

ေဒဂနိန္႔ ကၽြန္ေတာ္ေဆြးေႏြးခ်င္စြာ အေၾကာင္းအရာက အမ်ိဳးသားနိန္႔ဆိုစြာေရ လူ႔အဖြဲ႕အစည္း တစ္ရပ္အတြက္ ဇာအဓိပၸါယ္ကိုေဆာင္ေလဆိုစြာကို ေဆြးေႏြးလားဖို႔ျဖစ္ပါေရ။ တစ္ခါတည္းနန္႔ သက္ေရာက္ အဓိပၸါယ္ကေတာ့ခါ အထူးသျဖင့္ ရခိုင္လူ႔အဖြဲ႕အစည္းအတြက္ကား ရခိုင္အမ်ိဳးသားနိ႔ ဆိုစြာ ဇာအဓိပၸါယ္ကို ေဆာင္ေလး ဆိုစြာကို တခါတည္း သက္ေရာက္အဓိပၸါယ္ရလားဖို႔ ျဖစ္ပါေရ။.

အမ်ိဳးသားနိ႔ ဆိုစြာကို အဂၤလိပ္ပိုင္ ေျပာေက National Day လို႔ ဆိုပါေရ။ ရခိုင္အမ်ိဳးသားနိ႔ ဆိုေက Arakan National Day ျဖစ္ပါဖို႔။

National Day ဆိုစြာေရ Nation (N-A-T-I-O-N) ဆိုစြာကို အထိမ္းအမွတ္ျပဳလို႔ က်င္းပကတ္စြာျဖစ္ပါေရ။ Nation ဆိုစြာက ႏိုင္ငံတည္းဟူေသာ အစုအဖြဲ႕ (သို႔မဟုတ္) အမ်ိဳးသားႏိုင္ငံကို ဆိုလိုျခင္း ျဖစ္ပါေရ။ ကမၻာအရပ္ရပ္မွာ National Day ကို က်င္းပကတ္ေသာ လူ႔အဖြဲ႕အစည္းအသီးသီးရို႕ေရ မိမိရို႕၏ လက္ရွိႏိုင္ငံကို တည္ေထာင္ကတ္ရာမွာ အေရးႀကီးေရ အျဖစ္အပ်က္တစ္ခုခုျဖစ္ပ်က္ခေရ နိန္႔ရက္ ကို အမ်ိဳးသားနိ႔အျဖစ္ က်င္းပတတ္ကတ္ပါေရ။ သို႔တည္းမဟုတ္ မိမိရို႕အမ်ိဳးသားႏိုင္ငံ၏ အခ်ဳပ္အခ်ာအာဏာ ဆံုးရံႈးလားခရေရ နိန္႔ကို ေလ့ေသာ့ အမ်ိဳးသားနိ႔အျဖစ္ က်င္းပတတ္ကတ္ပါေရ။

ဥပမာအားျဖင့္ ျမန္မာရို႕မွာဆိုေက အဂၤလိပ္တိက ကိုလိုနီအျဖစ္ အုပ္ခ်ဳပ္နီစိုင္ကာလမွာ – အဂၤလိပ္ရို႕၏ ကၽြန္ပညာေရးစနစ္ကို ကန္႔ကြက္ေတ ဆိုၿပီးေက ရန္ကုန္တကၠသိုလ္ ေက်ာင္းသားတိနန္႔ ဂ်ပ္ဆင္ေကာလိပ္ေက်ာင္းသားတိက ပညာေရးဥပေဒကို ကန္႔ကြက္သပိတ္ စတင္ဆင္ႏႊဲေရနိန္႔၊ ယင္းနိန္႔ကို ျမန္မာရို႕၏အမ်ိဳးသားနိန္႔အျဖစ္ သတ္မွတ္ကတ္ပါေရ။ ဗမာစာသည္ ဒို႔စာ၊ ဗမာစကားသည္ ဒို႔စကား၊ ဗမာေျပသည္ ဒို႔ေျပ ဆိုေရ ေၾကြးေၾကာ္သံတိနန္႔ ထိုအခါက လႈပ္ရွားလာကတ္ေတ လႈပ္ရွားမႈကနိန္ စတင္ၿပီးေက ၁၉၄၈-ခုႏွစ္ ျမန္မာေျပလြတ္လပ္ေရး ရေရအထိ ျဖစ္လားခပါေရ။ ယင္းအတြက္နန္႔ ေက်ာင္းသားသပိတ္စခေရ တန္းေဆာင္မုန္းလျပည့္ေက်ာ္ (၁၀) ရက္နိန္႔ကို ျမန္မာရို႕၏ အမ်ိဳးသားနိန္႔ အျဖစ္ က်င္းပကတ္ ပါေရ။

ေဒနိန္ရာမွာ Natiional Day နန္႔ပတ္သက္လို႔ Nation ဆိုစြာကို ဆက္စပ္ေဆြးေႏြးဖို႔ လိုပါေရ။ Nation (အမ်ိဳးသားႏိုင္ငံ) ဆိုစြာကို ျပင္သစ္စကားလံုး တစ္လံုးနဲ႔ ဘာသာျပန္လို႔ ေျပာရဖို႔ဆိုေက P-A-T-R-I-E (Patrie) လို႔ ဆိုပါေရ။ အဂၤလိပ္မွာ Patriot ဆိုေက မ်ိဳးခ်စ္ ဆိုစြာယင္းစကားလံုးကလာစြာ ျဖစ္ပါေရ။ အဂၤလိပ္မွာ Nation လို႔ ဆိုစြာကို ျပင္သစ္မွာ ဇာေခၚေလး ဆိုေက Patrie လို႔ေခၚပါေရ။ အဂၤလိပ္မွာ fatherland လို႔ပင္ေခၚေခၚ motherland လို႔ပဲ ေခၚေခၚ homeland လို႔ပဲေခၚေခၚ ယင္းစကားလံုးသံုးလံုးကို ျပင္သစ္စကားလံုးျပန္လိုက္ေက Patrie လို႔ အဓိပၸါယ္ရပါေရ။ ရခိုင္ဘာသာစကားနန္႔ ျပန္လိုက္ေက အဖရခိုင္ျပည္လို႔ ဆိုလိုေရသေဘာ . . . ျမန္မာဘာသာစကားနန္႔ျပန္လိုက္ေက အမိျမန္မာႏိုင္ငံ ဆိုေရသေဘာ ကို ဆိုလိုပါေရ။

ဆက္ေျပာရဖို႔ဆိုေက Patrie ဆိုစြာေရ ငါရို႕ေျပ ငါရို႕ nation လို႔ ဆိုလိုစြာ ျဖစ္ပါေရ။ ငါရို႕ေျပ  ငါရို႕ nation လို႔ဆိုေရ အဖျပည္လူ႕အဖြဲ႕အစည္းေရ လက္ရွိမွာ အခ်ဳပ္အခ်ာအာဏာပိုင္ေရ ႏိုင္ငံတစ္ခုခု ျဖစ္ခ်င္ျဖစ္ဖို႔ မျဖစ္ခ်င္ေကေလ့ မျဖစ္။ ဥပမာအားျဖင့္ – စပိန္ႏိုင္ငံထဲက Catalonia နယ္သားတိ၏ အမ်ိဳးသားနိ႔စြာ ဇာနိန္႔ေလးဆိုေက . . . လြန္ခေရ ႏွစ္ေပါင္းသံုးရာေက်ာ္က ကတ္တလိုးနီးယား ၏ ၿမိဳ႕ေတာ္ ဘာစီလိုးနားၿမိဳ႕ က်ဆံုးလားခေရ နိ႔ (စက္တင္ဘာလ ၁၁ ရက္နိ႔) ကို ကတ္တလန္ အမ်ိဳးသားရို႕၏ အမ်ိဳးသားနိ႔ အျဖစ္ သတ္မွတ္ၿပီးေက ႏွစ္စိုင္က်င္းပကတ္ပါေရ။ ယင္းပိုင္အားျဖင့္ ကတ္တလန္သားရို႕ေရ ကိုယ္ရို႕ကို ကိုယ္ရို႕ ႏိုင္ငံတစ္ခု အနိန္နန္႔ ရပ္တည္ခေရ ဆိုစြာကို အစိုင္အၿမဲ မမိန္႔မေလ်ာ့ ေအနိ႔ထက္ထိ ရွိကတ္ပါေရ။ ၂၀၁၇-ခုႏွစ္ကဆိုေက  ႏိုင္ငံအဆင့္ကို ျပန္လည္ ခြဲထြက္ ရပ္တည္ႏိုင္ကတ္ဖို႔စြာကို ဆႏၵခံယူပြဲက်င္းပကတ္ၿပီးေက အားထုတ္ကတ္ေတ။ စပိန္ႏိုင္ငံ ဗဟိုအစိုးရက ေအနိန္႔ထက္ထိ ၿဖိဳခြင္းႏွိပ္ကြပ္ေတအတြက္နန္႔ ေအနိ႔ထက္ထိေတာ့ မေအာင္ျမင္ ကတ္ ပါသိမ့္။ သို႔ေသာ္ ကိုယ္ရို႕ကို ကိုယ္ရို႕ အမ်ိဳးသားလူမ်ိဳးတစ္မ်ိဳး patrie တစ္ခု တိုင္းျပည္ တျပည္ လို႔ ကတ္တလန္အမ်ိဳးသားရို႕ အားလံုး ၏ ရင္ထဲမွာ သတ္မွတ္ထားကတ္ေတ။ ယင္းပိုင္ ကိုယ့္ကိုကိုယ္ မသတ္မွတ္ေတ နိ႔စြာ ယင္းလူမ်ိဳး ေပ်ာက္ကြယ္လားေရနိန္႔ . . . ယင္း လူမ်ိဳးေရ လူမ်ိဳးအျဖစ္ကရပ္တန္႔လားေရနိ႔ ျဖစ္ပါေရ။

တခါက ကၽြန္ေတာ္စြာ ရန္ကုန္တိုင္း ဥကၠံၿမိဳ႕နယ္ထဲက ေက်းရြာတရြာမွာ ဗမာစကားေျပာေသာ ရိုးသားေသာ ေတာင္သူလယ္သမားမိသားစု တစုနန္႔ စကားစျမည္ ထိုင္ေျပာနိန္ခဖူးေရ။ ဘႀကီးရို႕စြာ ဇာလူမ်ိဳးေလး လို႔ ကၽြန္ေတာ္က မိန္းပါေရ။ ယေက ဘႀကီးရို႕စြာ ဗမာလူမ်ိဳးပါလတ္၊ သူရို႕ကေျဖပါေရ။ ယေက ကၽြန္ေတာ္ကဆက္လို႔ မိန္းပါေရ၊ ဘႀကီးရို႕ေရ ဘႀကီးရို႕ အဖိုးအဖီး အဇူအစိုင္တိစြာ တျခားတရပ္တေက်းကနိန္ၿပီးေက ေအမဒို႔ ေျပာင္းလာကတ္စြာထင္ပါေရ လို႔ ကၽြန္ေတာ္ကမိန္းပါေရ။ ယေက ယင္းလူႀကီးက ကၽြန္ေတာ့္ကို ဇာေျဖေလးဆိုေက . . . မဟုတ္လတ္၊ ငါရို႕ အဖိုးအဖီးအဇူအစိုင္ အစိုင္အဆက္ ေဒအမွာနီ ၿပီးေက ေအမာႀကီးျပင္းကတ္စြာ၊ ေအနိန္႔ထက္ထိ ငါရို႕စြာ ယင္းမာက ဆင္းသက္လာစြာ ျဖစ္ေတလို႔ ေျဖပါေရ။ ႏွစ္ရာခ်ီလို႔ရာ ၀ီးကြာခေရအခ်ိန္ ေကာင္းေကာင္းမ၀ီးသိေရအခ်ိန္ . . . ႏွစ္ရာခ်ီလို႔ ၀ီးကြာခေရ အခ်ိန္တခ်ိန္က ယင္းနိန္ရာ (ဥကၠံၿမိဳ႕၊ ရန္ကုန္တိုင္းေဒသႀကီး၊ ဥကၠံၿမိဳ႕နယ္အပါအ၀င္ ေအာက္ျမန္မာႏိုင္ငံတခြင္လံုး) စြာ . . . မြန္ျပည္ဆိုစြာကို ေအနိန္႔ေအခ်ိန္ခါမွာ တေယာက္ေလးမသိလိုက္ကတ္ပါဗ်ာလ္။  သူရို႕ေလး . . . ေဒနိန္႔ေဒလူတိေလး မသိလိုက္ကတ္ပါဗ်ာလ္။ မြန္လူမ်ိဳးတိ ရက္ရက္စက္စက္ လူမ်ိဳးတုန္း သတ္ျဖတ္ခံရစြာတိကို ေဒလူတိ မသိလိုက္ဗ်ာလ္။ ေအလူတိ ေအနိန္႔မသိလိုက္ကတ္ပါဗ်ာလ္။ မြန္ဘုန္းႀကီးတိ အစုလိုက္ အၿပံဳလိုက္ အသတ္ခံခရဖူးေရ ဆိုစြာကိုေလး ေအနိန္႔ ေအလူတိ မသိလိုက္ပါဗ်ာလ္။ ယင္းပိုင္ မသိျခင္းႏွင့္အတူ မြန္လူမ်ိဳး မြန္ႏိုင္ငံတည္ရွိျခင္းသည္လည္း ရပ္စဲလားပါေရ။ ဇာေလာက္အထိ အေျခအနီဆိုးလားခေလးဆိုေက ေရွးယခင္ကမြန္ရို႕တိုင္းျပည္မွာ ပါ၀င္ခေရ ေဒကနိန္႔ ရန္ကုန္တိုင္းေဒသႀကီး လို႔ေခၚေသာ နယ္ေျမမွာ မြန္တိုင္းရင္းသားေရးရာ ကိုယ္စားလွယ္တစ္ဦး အရြီးခံႏိုင္ဖို႔အတြက္ မြန္လူမ်ိဳး ငါးေသာင္းလိုပါေရ။ ယင္းပိုင္ ငါရို႕ေရ မြန္လူမ်ိဳးျဖစ္ပါေရ လို႔ နာေမခံဖို႔လူ ငါးေသာင္းေတာင္ မရွိလိုက္ပါယာ။ ယင္းတြက္နန္႔ ယင္းေဒသ ရန္ကုန္တိုင္းေဒသႀကီးမွာ မြန္တိုင္းရင္းသားေရးရာ၀န္ႀကီး တစ္ေနရာကို မရကတ္ပါ။ မြန္ႏိုင္ငံကို ျပန္ရဖို႔ဆိုစြာ ေကာင္းေကာင္း အ၀ီးႀကီး ပါသိ။

ကိုယ့္လူမ်ိဳး ကိုယ့္ႏိုင္ငံလို႔ဆိုေရ Nation သို႔မဟုတ္ Patrie လို႔ ကိုယ့္ကိုယ္ကို ခံယူဖို႔အတြက္ မိမိရို႕၏ စုေပါင္းအတိတ္လို႔ဆိုေရ မိမိရို႕၏ သမိုင္းကို မမိန္႔မေလ်ာ့ရွိလ်က္ လူမ်ိဳးနဲ႔ နယ္ေျမကို ကိုင္စြဲထားႏိုင္ဖို႔ အလြန္အေရးႀကီးပါေရ။ ဇာျဖစ္လို႔ေလးဆိုေက အခ်ဳပ္အခ်ာအာဏာကို ပိုင္သည္ျဖစ္ေစ မပိုင္သည္ ျဖစ္ေစ ႏိုင္ငံအဆင့္ကိုတည္ေထာင္ႏိုင္ေသာ လူမ်ိဳးအစုအဖြဲ႕၊ အခုနကေျပာေရ nation လို႔ ေခၚေခၚ Patrie လို႔ပဲ ေခၚေခၚ မိမိရို႕၏အမ်ိဳးသားအစုအဖြဲ႕ ဆိုစြာေရ ေပါင္းစည္းထားေသာ စိတ္ႏွလံုးသားနန္႔ ျဖစ္တည္စြာ ျဖစ္ပါေရ။ ယင္းပိုင္ ေပါင္းစည္းထားေသာ စိတ္ႏွလံုးသားမ်ားနန္႔ စုေ၀း ျဖစ္တည္ႏိုင္ဖို႔ရာမွာ အခ်က္ႏွစ္ခ်က္ လိုအပ္ပါေရ၊ အခ်က္ႏွသ္ခ်က္ပါ။ အပိုင္းႏွစ္ပိုင္း ရွိပါေရ။ တပိုင္းက ဇာဆိုေလးဆိုေက မိမိရို႕၏ အတိတ္မွာတည္ရွိခေရ၊ ေနာက္တစ္ပိုင္းစြာ မိမိရို႕၏ ပစၥဳပန္မွာ ရွိေရ။ ယင္းပိုင္အပိုင္းႏွစ္ပိုင္း နန္႔ လူမ်ိဳးတမ်ိဳးေရ လက္ရွိအေျခအေနမွာ ရွိနိန္စြာ ျဖစ္ပါေရ။ တစ္ပိုင္းက မိမိရို႕ေရ လူမ်ိဳးတစ္မ်ိဳးအနိန္နန္႔ အတိတ္က ႀကီးက်ယ္ခစြာကိုပါ မႀကီးက်ယ္ခစြာကိုပါ ရံႈးနိမ့္ပ်က္စီး ခစြာကိုပါ အတိတ္က မွတ္မိစရာ အေၾကာင္းအခ်က္တိကို မိမိရို႕ သမိုင္းအမြီအႏွစ္အနိန္နန္႔ ရထားစြာ ျဖစ္ၿပီးေက၊ ေနာက္တစ္ပိုင္းမွာ . . . (ယင္းဟင့္ကတပိုင္း) . . . ေနာက္တပိုင္းက ဇာေလးဆိုေက လက္ရွိအေျခအေနမွာ မိမိရို႕ေရ လူမ်ိဳးတစ္မ်ိဳးအနိန္နန္႔ တစုတစည္းတည္းနိန္ကတ္ဖို႔ ဆိုစြာ မိမိရို႕၏ consent သေဘာတူညီခ်က္ရွိရဖို႔။ ယင္းႏွစ္ခ်က္ျပည့္စံုေက ေအနိန္႔ ေအအခ်ိန္မွာ လူမ်ိဳးတစ္မ်ိဳးအနိန္နန္႔ တည္ရွိႏိုင္ဖို႔ ျဖစ္ပါေရ။ ယင္းတြက္နန္႔ တနည္းအားျဖင့္ မိမိရို႕၏ အမ်ိဳးသား လူ႕အဖြဲ႕အစည္း တနည္းအားျဖင့္ မိမိရို႕မွာ ဆိုေက အဖရခုိင္ေျပလို႔ ေခၚကတ္ေတ အမ်ိဳးသား လူ႕အဖြဲ႕အစည္း၏ အႏွစ္သာရက ဇာေလးဆိုေက . . . ယင္းႏွစ္ပိုင္း ယင္းႏွစ္ပိုင္း ရွိနိန္သိလို႔ ေအကနိန္ မိမိရို႕ အမ်ိဳးသားလူ႕အဖြဲ႕အစည္း ရွိနိန္စြာ ျဖစ္ပါေရ။

မဟာမုနိရုပ္ရွင္ေတာ္ျမတ္ႀကီး သြန္းေလာင္းၿပီးစီးေသာ နိန္႔ရက္ကို ရခိုင္အမ်ိဳးသားနိန္႔ အျဖစ္သတ္မွတ္စြာ အင္မတန္မွ သင့္ျမတ္ ေလ်ာ္ကန္ပါေရ။ တစ္အခ်က္က ဇာျဖစ္လို႔ေလးဆိုေက “အမ်ိဳးသီလ၊ ႏွစ္ဌာနကို၊ ျပည္၀မ႑ိဳင္၊ ေစာင့္စြမ္းႏိုင္၍၊ ရခိုင္နာမ၊ ဘြဲ႕မည္လွျဖင့္၊ အႏြတၱသညာ၊ ေခၚအပ္ရာတည္း” လို႔ ဆိုကတ္ေသာ ရခုိင္ရို႕၏ ဂုဏ္ရည္ႏွစ္ရပ္မွာ တရပ္က အမ်ိဳးကိုေစာင့္ဖို႔၊ အမ်ိဳးကို ေစာင့္ရံုမွ်သာမဟုတ္ သီလကိုပါေစာင့္ေရ ဆိုေရ ဂုဏ္ပုဒ္ကိုပါ ထည့္ထားပါေရ၊ ဆိုေက . . . ယင္းသီလကိုေစာင့္ေရဆိုေသာ ဂုဏ္ပုဒ္ကို ထပ္ဆင့္အနက္အဓိပၸါယ္ေကာက္ဖို႔ဆိုေက . . .  ကၽြန္ေတာ္ရို႕ ရခိုင္တိေရ ဗုဒၶဘာသာျဖစ္ကတ္ေက၊ အထူးသျဖင့္ လြန္ခေရ ႏွစ္ေပါင္းႏွစ္ေထာင့္ငါးရာေက်ာ္ကပင္ ျမတ္စြာဘုရားရွင္ လက္ထက္ကပင္ ဗုဒၶဘာသာ၀င္တိျဖစ္ကတ္ေက ဆိုေရအခ်က္ကို အေလးအနက္ ဆိုလိုရင္း ျဖစ္ပါေရ။ ႏွစ္အခ်က္က ရခုိင္ရို႕ေရ မဟာမုနိဘုရားႀကီးကို ရခုိင္ရို႕အခ်ဳပ္အခ်ာအာဏာ၏ သေကၤတအျဖစ္ မွတ္ယူကတ္ပါေရ။ ယင္းအခ်က္ကိုလည္း မမိန္႔မေလ်ာ့ ႏွလံုးသားထဲမွာ အစိုင္အၿမဲ အတြက္က် နိန္ဇီဖို႔ ေအအမ်ိဳးသားနိ႔က အေထာက္အကူျပဳပါလိမ့္ေမ။

မိမိရို႕၏ စုေပါင္းမွတ္ညာဏ္ထဲမွာ မိမိရို႕အတိတ္က ေပ်ာ္ရႊင္သာယာခံစားခရေရ ကာလတိလည္း ရွိဖို႔၊ မိမိရို႕နာက်င္ခံစားခရေရ ကာလတိေလး ရွိပါဖို႔။ ဥပမာအားျဖင့္ လူမ်ိဳးတုန္းသတ္ျဖတ္ခံရမႈ၊ အခ်ဳပ္အခ်ာအာဏာ ဆံုးရံႈးမႈရို႕ေရ မမိန္႔မေလ်ာ့ေကာင္းေသာ ျဖစ္ရပ္တိျဖစ္ပါေရ။ မိမိရို႕ ရခိုင္တည္းဟူေသာ မိမိရို႕ အမ်ိဳးသားအဖြဲ႕အစည္းမွာေရ အတိတ္က ေရႊထီးေဆာင္ခေရ ကာလတိ လည္းရွိဖို႔၊ ယၿပီးေက မိမိရို႕ အတိတ္မွာ ခါးသီးခံစားခရေရ ဒုကၡေရာက္ရေရ ကာလတိလည္း ရွိပါဖို႔၊ မိမိရို႕သမိုင္းမွာ ဟိပါဖို႔။ ယင္းႏွစ္မ်ိဳးထဲမွာ မိမိရို႕အတိတ္မွာ ခါးသီးခံစားခရေသာ ဒုကၡေရာက္ခရေသာ ကာလတိစြာ ဒုကၡမေရာက္ေတကာလထက္ ပိုေကာင္းစြ တခ်က္ရွိေရ။ ဒုကၡေရာက္ခရေသာကာလတိေရ ဇာျဖစ္စီေလးဆိုေက ကၽြန္ေတာ္ရို႕ကို ပိုၿပီးေက စုစည္းညီညြတ္စီပါေရ။ စည္းေႏွာင္မႈျဖစ္စီေရ၊ စုစည္းမႈျဖစ္စီေရ။ မိမိရို႕၏အတိတ္ မိမိရို႕၏သမိုင္းမွာ ခါးသီးဒုကၡ ခံစားဒုကၡေရာက္ကတ္ရေရ ကာလတိရွိချခင္း “having suffered together” ဆိုစြာေရ . . .  ေပ်ာ္ရႊင္ခရေရကာလတိထက္ ကၽြန္ေတာ္ရို႕ကို ပိုလို႔ စုစည္းညီညြတ္စီပါေရ။ အမ်ိဳးသားတစ္ရပ္လံုး နန္႔ သက္ဆိုင္ေရ မွတ္မိသတိရစရာတိနန္႔ ပတ္သက္လာေက၊ ပူေဆြးေသာကေရာက္ခကတ္ရျခင္းတိေရ ေအာင္ပြဲရခကတ္ျခင္းတိ ထက္ပိုၿပီးေက တန္ဖိုးပိုရွိပါေရ။ ဇာျဖစ္လို႔ေလးဆိုေက ယင္းပိုင္ ပူေဆြးေသာက ေရာက္ကတ္ရေရ ကာလတိစြာေရ ကၽြန္ေတာ္ရို႕ ပခံုးတိထက္ကို တာ၀န္တိ ပီးအပ္ပါေရ။ ကၽြန္ေတာ္ရို႕ကို လက္တြဲေဆာင္ရြက္ရဖို႔ တာ၀န္တိခ်မွတ္ပီးပါေရ။ လက္တြဲႀကိဳးပမ္းကတ္ရဖို႔ဆိုၿပီးေက မျဖစ္မေနျဖစ္လာစီပါေရ။ ရည္မွန္းအပ္ရာတိေလး ကၽြန္ေတာ္ရို႕ဘားမွာ ရွိလာစီပါေရ။ ယင္း ရည္မွန္းခ်က္ကို ေလွ်ာက္လွမ္းရဖို႔ဆိုစြာကိုလည္း ကၽြန္ေတာ္ရို႕ အမ်ိဳးသား အမ်ိဳးသမီးတိကို သိျမင္စီပါေရ။

မိမိရို႕အမ်ိဳးသားအတြက္ အလုပ္လုပ္လိုေသာ အဖြဲ႕အစည္းတရပ္ေရ ထြန္းေပါက္ ထိေရာက္ဖို႔အတြက္ မျဖစ္မေနလိုအပ္ခ်က္ သံုးခုရွိေရလို႔ ေခါင္းေဆာင္တိက ေျပာကတ္စြာ ရွိပါေရ။ တစ္အခ်က္ ရည္မွန္းခ်က္ရွိရဖို႔၊ ႏွစ္ လူထုေထာက္ခံမႈရွိရဖို႔၊ သံုး စည္းကမ္းရွိရဖို႔ လို႔ ေျပာကတ္ပါ ေရ။

နံပါတ္တစ္၊ ရည္မွန္းခ်က္ ရွိရဖို႔။ အမ်ိဳးသားတစ္ရပ္မွာ ရွိရဖို႔ ရည္မွန္းခ်က္ဆိုစြာ ဇာေလးဆိုစြာ ကိုေတာ့ခါ ေအမွာ မေဆြးေႏြးပါဗ်ာလ္။ ေနာက္ဆက္တြဲ ဆက္စပ္စြာတစ္ခုကေတာ့ခါ ယင္းရည္မွန္းခ်က္ပန္းတိုင္ကို လားရာမွာ ဇာနည္းလမ္းတိနန္႔ လားရဖို႔ေလး။ ယင္းဟင့္ကိုေလး မေဆြးေႏြးပါဗ်ာလ္။ ယေက ယင္းရည္မွန္းခ်က္ပန္းတိုင္ကိုလားရာမွာ နည္းလမ္းႏွစ္သြယ္ ရွိေရလို႔ . . . ေျပာမိလားခေကေလး ေအနိန္႔ေအအခ်ိန္မွာ က်ပ္တည္းေရအတြက္နန္႔ ကၽြန္ေတာ္ရို႕ ဒုကၡေရာက္လားႏိုင္ပါေရ။ အရွည္ေတာ့ မေျပာပါဗ်ာလ္။

ယေက . . . နံပါတ္ႏွစ္အခ်က္၊ လူထုေထာက္ခံမႈ။ လူထုေထာက္ခံမႈ လို႔ဆိုစြာထက္ လူထု၏ ပါ၀င္ပတ္သက္မႈ (involvement) ဆိုေက ပိုလို႔မွန္ကန္ေလးနက္ပါေရ။ ဆိုလိုေရအခ်က္က လူထု၏ပါ၀င္ပတ္သက္မႈ (involvement) ပိုၿပီးေက ျမင့္မားရပါဖို႔။ ဥပမာအားျဖင့္ ေျပာဖို႔ဆိုေက – ျမန္မာႏိုင္ငံ၏ လြတ္လပ္ေရး မ်ိဳးစိကို ခ်ပီးစြာ ဆရာေတာ္ ဦးဥတၱမ လို႔ေျပာကတ္ပါေရ။ ဆရာေတာ္ ဦးဥတၱမ စတင္ၿပီးေက နာေမႀကီးလာေရအခ်ိန္မွာ ဆိုေက ဆရာေတာ္ဦးဥတၱမကို တခဲနက္ ျမန္မာတျပည္လံုးက ေထာက္ခံကတ္ေတ။ ယေက ကိစၥစြာ ဆရာေတာ္ဦးဥတၱမကို တခဲနက္ တႏိုင္ငံလံုးက ေထာက္ခံစြာနန္႔ ၿပီးဗ်ာလ္လား ဆိုေက မၿပီးပါသိ။ ဆရာေတာ္ဦးဥတၱမပိုင္လူတိ ေပၚထြန္းလာမွ ဆရာေတာ္ဦးဥတၱမအေခ်၊ ဆရာေတာ္ဦးဥတၱမအႀကီး၊ ဆရာေတာ္ ဦးဥတၱမပိုင္လူတိ ျမန္မာႏိုင္ငံတျပည္လံုး ျပန္႔ပြားလာခါမွ ဆရာေတာ္ဦးဥတၱမ စိတ္ဓါတ္ျပန္႔ပြား လာခါမွ – ျမန္မာႏို္င္ငံေရ လြတ္လပ္ေရးကို မျဖစ္မေန ရရဖို႔ ဆိုေရအေနအထားကို ေရာက္လားစြာ ျဖစ္ပါေရ။

ယေက . . . ယင္းပိုင္ ပါ၀င္ပတ္သက္လုပ္ေဆာင္မႈ (involvement) ျမင့္မားေအာင္ ႀကိဳးစားေရ နိန္ရာမွာ ကၽြန္ေတာ္ရို႕ေရ စုဖြဲ႕မႈအားေကာင္းေအာင္ ႀကိဳးစားကတ္ရဖို႔။ တခါတရံမွာ စုဖြဲ႕ဖို႔ႀကိဳးစားကတ္စြာ ႀကိဳးစားမႈတိစြာ ၿပိဳကြဲခ်င္ ၿပိဳကြဲလားပါဖို႔ . . . ။ ယင္းပိုင္ ၿပိဳကြဲလားေကေလ့ . . . ျဖစ္ရပ္တိက ရွိ႕ကျဖစ္ရပ္တိကို သင္ခန္းစာယူၿပီးေက ျပန္လည္စုဖြဲ႕ၿပီးေက ကၽြန္ေတာ္ရို႕ ရည္မွန္းခ်က္ရွိရာကို ေရာက္ေအာင္ ဆက္လားကတ္ရဖို႔ ျဖစ္ပါေရ။

အခုနကစြာကို ျပန္ေကာက္ရဖို႔ဆိုေက . . . မိမိရို႕အမ်ိဳးသားအတြက္ အလုပ္လုပ္ခ်င္ေရ အဖြဲ႕အစည္း တရပ္စြာ – ရည္မွန္းခ်က္ ရွိရဖို႔၊ လူထုေထာက္ခံမႈ ရွိရဖို႔ (သို႔တည္းမဟုတ္) လူထုပါ၀င္ပတ္သက္မႈ (involvement) ကိုျမင့္မားေအာင္လုပ္ရပါဖို႔၊ ေယၿပီးေက . . . စည္းကမ္း ရွိရပါဖို႔ . . . ။ ယပိုင္ဆိုေက ေအာင္ျမင္ကတ္ဖို႔စြာေရ ေျမႀကီးလက္ခတ္မလြဲ ျဖစ္ပါေရ။

ထိုနည္းတူစြာ လူမ်ိဳးတိမွာ – လူမ်ိဳးတမ်ိဳးေရ ေအာက္က်ေနာက္က် ျဖစ္ရေရကာလတိ အၿမိဲ ရွိတတ္ပါေရ။ ယင္းလူမ်ိဳးတမ်ိဳး ေအာက္က်ေနာက္က်ျဖစ္ေတ အေျခအေနကို ေရာက္ဗ်ာလ္ဆိုေက ဘက္ေပါင္းစံုက အျခားအေျခအေနတိပါ ယုတ္ေလ်ာ့လာတတ္ေတ။ ယင္းအခ်ိန္မွာ ျပင္ပက ရန္သူတိကလည္း မိမိရို႕လူမ်ိဳး အားနည္းသထက္အားနည္းေအာင္ လုပ္ေဆာင္ကတ္ပါေရ။ ဥပမာ ေျပာဖို႔ဆိုေက – လြန္ခေရ ႏွစ္ေပါင္း  တရာေက်ာ္ေလာက္က တရုတ္ျပည္ကို အဂၤလန္ရို႕၊ အေမရိကန္ရို႕၊ ဂ်ပန္ရို႕ အပါအ၀င္ အင္အားႀကီးႏိုင္ငံတိက တရုတ္ျပည္ကို ဖရီးသီးစိတ္ပိုင္ အစိတ္စိတ္ စိတ္ေရကာလမွာ ဇာကိုပါလုပ္ကတ္ေလးဆိုေက တရုတ္ျပည္ကို သေဘၤာတိအစီးလိုက္ အစီးလိုက္နန္႔ ဘိန္းသြင္းကတ္ေတ။ ယင္းပိုင္သြင္းၿပီးေက တရုတ္တိကို ဘိန္းစားျဖစ္ေအာင္ဖ်က္ဆီးကတ္ေတ။ ယင္းဟင့္ကို မလိုလားေသာ တရုတ္မ်ိဳးခ်စ္တိက ေအကိစၥကို ရပ္တန္႔ေအာင္ မျဖစ္ျဖစ္ေအာင္ ႀကိဳးစားခေရအတြက္နန္႔ တရုတ္လူမ်ိဳးေရ ကိုယ့္စြာကိုယ္ ကိုယ့္လူမ်ိဳးကိုကိုယ္ ကယ္တင္ၿပီးေက ေအနိန္႔ေအအခ်ိန္မွာ ေအပိုင္ ကမၻာက ေလးစားခန္႔ညားရေသာ ႏိုင္ငံႀကီးတႏိုင္ငံ အနိန္နန္႔ ေအနိန္႔ေအအခ်ိန္မွာ ရပ္တည္ႏိုင္စြာျဖစ္ပါေရ။ ထိုနည္းတူစြာပဲ ကၽြန္ေတာ္ရို႕က အမ်ိဳးခ်စ္ေရးတရားကို ဇာေလာက္ပင္ ေဟာေဟာ၊ ကၽြန္ေတာ္ရို႕၏ . . . ကၽြန္ေတာ္ရို႕လက္ကနိန္ၿပီးေက တာ၀န္ကို လက္ဆင့္ကမ္းယူဖို႔ မ်ိဳးဆက္သစ္လူငယ္တိစြာ မူးယစ္ေဆး၀ါးသားေကာင္တိ ျဖစ္နိန္ဖို႔ဆိုေက ကၽြန္ေတာ္ရို႕ ရခိုင္လူမ်ိဳး အဖရခိုင္ျပည္၏ အနာဂတ္စြာ ရွိႏိုင္ဖို႔ မဟုတ္ပါဗ်ာလ္။

ယေက အခုနားကစကားကို ဆက္ေကာက္ရဖို႔ဆိုေက . . . ၊ အခုနကေျပာေသာ ရည္မွန္းခ်က္ကိုလားျခင္း ဆိုေသာစကားကို ျပန္ေကာက္ပါေမ။ ယင္းပိုင္ ရည္မွန္းခ်က္ကို လားခ်ိန္မွာ ကၽြန္ေတာ္ရို႕စြာ အခက္အခဲအမ်ားႀကီးကို ေက်ာ္လႊား ကတ္ရဖို႔သိ ျဖစ္ပါေရ။ ယင္းဟင့္ကေတာ့ ေသခ်ာေပါက္ ေက်ာ္လႊားရဖို႔သိ ျဖစ္ပါေရ။ ေက်ာ္လႊားလည္း ေက်ာ္လႊားႏိုင္ဖို႔စြာ ျဖစ္ေတ လို႔ ကၽြန္ေတာ္က အေလးအနက္ ယံုၾကည္ပါေရ။ ယင္းပိုင္ ရည္မွန္ခ်က္ရွိရာကိုလားရာမွာ အခက္အခဲတိကို ေက်ာ္လႊားလို႔လားရာမွာ လက္ခ်င္းခ်ိတ္ဆက္ၿပီးေက လူထုစည္းရံုမႈအင္အားကို ယူလို႔လားရာမွာ လူထုဆႏၵျပပြဲ လူထုခ်ီတက္ပြဲေပါင္းမ်ားစြာမွာ အေမရိကန္မွာ အထူးသျဖင့္ အေမရိကန္ႏိုင္ငံမွာ လက္ခ်င္းခ်ိတ္ၿပီးေက စုေပါင္းသီဆိုကတ္ေသာ ေတးျခင္းတပုဒ္ ရွိပါေရ။ ယင္းေတးျခင္းနာေမက ဇာေလးဆိုေက “We shall overcome.” ။ “We shall overcome.” ငါရို႕ ေက်ာ္ကိုေက်ာ္လႊားလားႏိုင္ဖို႔ ျဖစ္ေတ လို႔ ေတးျခင္းနာေမက အဓိပၸါယ္ရပါေရ။ ၿပီးခေရ တစ္ရက္ႏွစ္ရက္က ကၽြန္ေတာ္ အဂၤလိပ္စာ သင္တန္း တခုမွာ ေစတနာ့၀န္ထမ္းဆရာ တစ္​​​ေယာက္​ ​အေနနန္႔ ေႏြရာသီမွာ ၀င္ျပပါေရ။ သင္တန္းက ေမတၱာရပ္ခံေရအတြက္နန္႔ ကၽြန္ေတာ္ ၀င္ျပပါေရ။ ယင္းသင္တန္းမွာ ၿပီးခေရ ႏွစ္ရက္က ယင္းေတးျခင္းကို သင္ခ ပါသိေရ။ ေအေနရာမွာ အျခားစတိတ္ရိႈးအဖြဲ႕က မလာခင္ ကၽြန္ေတာ္ကယင္းေတးျခင္းကို ဆိုျပခခ်င္ပါေရ။ ဆိုျပပါေမ။ . . . တသက္နန္႔တကိုယ္ စင္ထက္မွာ ေတးျခင္း မဆိုဖူးပါ။ . . . ေတးျခင္းနာေမက We shall overcome. ၊ ငါရို႕ေက်ာ္လႊား ႏိုင္ရဖို႔ ဆိုေရေတးျခင္း ျဖစ္ပါေရ။ အတို​ေခ်ပါရာ။

We shall overcome
We shall overcome
We shall overcome, some day

Oh, deep in my heart
I do believe
We shall overcome, some day

We’ll walk hand in hand
We’ll walk hand in hand
We’ll walk hand in hand, some day

Oh, deep in my heart
I do believe
We shall overcome, some day

We shall live in peace
We shall live in peace
We shall in peace, some day

Oh, deep in my heart
I do believe
We shall overcome, some day

We are not afraid
We are not afraid
We are not afraid, TODAY

Oh, deep in my heart
I do believe
We shall overcome, some day

စတိတ္ရိႈးမလာခင္ မိတ္ဆက္ ပေယ။ အဂၤလိပ္စာသားေခ်တိက အလြယ္ကာေခ်ပါ။ ၾကားစြာနန္႔ နားလည္ေရလို႔ ထင္ပါေရ။ ယေကေလ့ေသာ့ . . . အလြယ့္ကာသားေခ်တိ ျဖစ္ေကေလ့ေသာ့ . . . ပိုၿပီးေက အမွတ္တရျဖစ္ေအာင္ ကၽြန္ေတာ္ ယင္းအလြယ့္ကာေခ် စာသားကို ဘာသာျပန္လို႔ ေျပာပီးပါေမ။

We shall overcome
We shall overcome
We shall overcome, some day
ငါရို႕ေရ တနိန္႔တရက္မွာ အားလံုးကို ေက်ာ္လႊားလားႏိုင္ကတ္ဖို႔စြာ ရာျဖစ္ေတ။

Oh, deep in my heart
I do believe
We shall overcome, some day

deep in my heart ငါ၏ႏွလံုးသားထဲမွာ . . . I do believe ငါ နက္နက္ရိႈင္းရိႈင္း ယံုၾကည္စြာက . . . We shall overcome, some day ငါရို႕ေရ တနိန္႔ရက္ရက္ မွာ အေသအခ်ာ ေက်ာ္လႊားႏိုင္ဖို႔ ျဖစ္ပါေရ လို႔ ငါရို႕ ယံုၾကည္ပါေရ။ အရာ ေနာက္တပိုဒ္ . . .

We’ll walk hand in hand
We’ll walk hand in hand
We’ll walk hand in hand, some day

We’ll walk hand in hand ငါရို႕ေရ လက္ခ်င္းခ်ိတ္ၿပီးေက လမ္းေလွ်ာက္လားဖို႔ ျဖစ္ပါေရ။ ေနာက္တပိုဒ္၊ ေနာက္ဆံုးတပိုဒ္ . . .

We are not afraid
We are not afraid
We are not afraid, TODAY

Today. Today ဆိုစြာ ေဒနိန္႔။ ငါရို႕ေရ အခက္အခဲတိကို ေက်ာ္လႊားႏိုင္ဖို႔စြာက some day တရက္ရက္မွာ ေက်ာ္လႊားႏိုင္ဖို႔။ ယင္းပိုင္ေက်ာ္လႊားႏိုင္ဖို႔ ေအနိန္႔ကပင္ မေၾကာက္ဖို႔လိုေရ။ We are not afraid, TODAY. ငါရို႕ေရတနိန္႔တရက္ရက္မွာ အားလံုးကို ေက်ာ္လႊားလားႏိုင္ကတ္ဖို႔ ျဖစ္ပါေရ . . . ဆိုစြာကေတာ့ခါ။ ေတးျခင္းကို ကၽြန္ေတာ္ စလို႔ဆိုေရကပင္ၾကားေရလူတိ . . . စာသားက အလြယ့္ကာေခ် ျဖစ္ေတအတြက္နန္႔ အားလံုးကို နားလည္ကတ္ဖို႔လို႔ ထင္ပါေရ။

ယေက . . . ေနာက္ဆံုးနိဂံုးခ်ဳပ္ အနိန္နန္႔ေျပာဖို႔ဆိုေက . . . တစ္ခြန္းတည္းပါ။ ေနာက္ဆံုးနိဂံုးခ်ဳပ္ အနိန္နန္႔ေျပာဖို႔ဆိုေက . . . ေဒဂနိန္႔ ေထာင္သြင္းအက်ဥ္းက်ၿပီးေက အခ်ဳပ္ခ်ထားခံနိန္ရေရ ရခိုင္လူထုေခါင္းေဆာင္ ေဒါက္တာေအးေမာင္ကို ေဒေဟာေျပာခ်က္အားျဖင့္ ေလးစားဂုဏ္ျပဳ ပါေၾကာင္း ေျပာၾကားရင္းနန္႔ နိဂံုးခ်ဳပ္အပ္ပါေရ။

အားလံုးကို ေက်းဇူးတင္ပါေရ။

ေက်ာ္ေဇာဦး
၃၀ ေမလ ၂၀၁၈
ဘူးသီးေတာင္ၿမိဳ႕

[ Unicode version here ]

ပြီးခဲ့သော ၂၀၁၈ မေလ (၃၀) ရက်နေ့ ညပိုင်း ဘူးသီးတောင်မြို့ ဘောလုံးကွင်း၌ ကျင်းပခဲ့သည့် ရခိုင်အမျိုးသားနိ့ အခမ်းအနားတွင် ကျွန်တော် တက်ရောက်ဟောပြောခဲ့ပါသည်။ ဟောပြောချက် ကို အနှစ်ချုပ်ပြောရမည်ဆိုလျှင် –

၁။ အမျိုးသားနိုင်ငံအဆင့်ကို တည်ထောင်နိုင်သည့် လူမျိုးအဖွဲ့အစည်းတို့ nation တို့အနေဖြင့် အမျိုးသားနေ့ကို ကျင်းပကြခြင်း အကြောင်း၊

၂။ nation သို့မဟုတ် patrie ဟု ဆိုသည့် အဖတိုင်းပြည်တို့မည်သည်မှာ (၁) အတိတ်၏ အမွေအနှစ် နှင့် (၂) ပစ္စုပန်တွင် အတူရပ်တည်ကြရန် သဘောတူညီမှု (consent) တို့ပါဝင်သော ညီညွတ်သော စိတ်နှလုံးဖြင့် စုစည်းတည်ရှိနေခြင်းအကြောင်း၊

၃။ ရည်မှန်းချက်၊ လူထုထောက်ခံမှု နှင့် စည်းကမ်းတို့သည် အောင်မြင်မှုအတွက် မလွဲမသွေ လိုအပ်ချက်များ ဖြစ်သည့်အကြောင်း၊

၄။ လူထုချီတက်ပွဲများတွင် သီဆိုလေ့ရှိကြသည့် We shall overcome သီချင်း။ အနာဂတ် တစ်ချိန်ချိန်တွင် သေချာပေါက်ကျော်လွှားအောင်မြင်နိုင်ကြဖို့ရာ ယနေ့ယခု မကြောက်ရွံ့ဖို့ လိုအပ်သည့်အကြောင်း၊

၅။ အကျဉ်းစံ ဒေါက်တာအေးမောင်အား ဤဟောပြောချက်ဖြင့် ဂုဏ်ပြုသည် ဆိုသည့် အကြောင်း . . . တို့ကို ဟောပြောခဲ့ပါသည်။

ဟောပြောချက် အပြည့်အစုံကို အောက်တွင် စာသားဖြင့် ဖော်ပြထားပြီး၊ တွဲဖက်ပါ video clip ကိုလည်း နားဆင်နိုင်ပါသည်။

မူရင်​း ဗီဒီယို ရိုက်​ကူးကူးသူ – Khin Mgshwe
ကြာမြင်​့ချိန်​ – ၂၅:၂၉ မိနစ်​


(oration delivered by Kyaw Zaw Oo at Buthidaung Football Stadium on Arakan National Day 30 May 2018)

အားလုံး မင်္ဂလာပါ။

ဒေဂနိန့်ကျရောက်တေ ငါးနှစ်မြောက် ရခိုင်အမျိုးသားနိ့ အထိမ်းအမှတ်အခမ်းအနားကို တက်ရောက် လာကတ်သော ဘူးသီးတောင်မြို့သူမြို့သားများအားလုံးကို လေးစားကြောင်း ပဏာမပြောကြားလိုပါရေ။ . . . ကျွန်တော် ကျော်ဇောဦးပါ။

ရခိုင်အမျိုးသားနိအခမ်းအနားမှာ ရခိုင်အမျိုးသားနိ့နန့်ပတ်သက်လို့ တစုံတရာ ဟောပြောဖို့ ဖိတ်ကြား ရေအတွက်နန့် ကျွန်တော် မပျက်မကွက်လာပါရေ။ ယကေလေ့သော့ မုန်တိုင်းနန့် မိုးသက်လီပြင်းနန့် အခက်အခဲတိကြားမှာ ဖြစ်လားခရေကြားထဲက မဖြစ်နန့်အဖြစ် ကျွန်တော့်ကိုလာခေါ်ကတ်တေ။ ကျွန်တော်ကလည်း မဖြစ်မနီလာပါရေ။ ဟောပြောချက်ကတော့ခါ ရာသီဥတုကလည်း တိမ်တိဆိုင်းလာရေအတွက်နန့် အချိန်ကောင်းကောင်း မယူဘဲနန့် အတိုချေရာပြောလားပါဖို့။ ယကေလေ့သော့ အမှားအယွင်းနည်းအောင် ကျွန်တော်က ဖြဖြေးချေ ပြောလားဖို့ စိုင်းစားထားပါရေ။

ရခိုင်လူမျိုးရို့၏ ရခိုင်အမျိုးသားနိန့်ကို လွန်ခရေ ငါးနှစ်ကျော်ကာလ ကျောက်ဖြူမှာ ကျင်းပခရေ ရခိုင်အမျိုးသားညီလာခံမှာ ရခိုင်ပြည်နယ် မြို့နယ်အသီးသီးက လွှတ်လိုက်တေ ကိုယ်စားလှယ်အဖွဲ့တိ အသေအချာ ဆွေးနွေးကတ်ပြီးကေ ဓညဝတီခေတ် ရခိုင်ပြည်မှာ မြတ်စွာဘုရားရှင်၏ ရုပ်ပွားတော်ကို သွန်းလောင်း ပြီးစီးေသော နိန့် ကဆုန်လပြည့်ကျော် တစ်ရက်နိန့်ကို ရခိုင်အမျိုးသားနိန့် အဖြစ်သတ်မှတ်ဖို့ အများ သဘောတူ ဆုံးဖြတ်ခကတ်ပါရေ။ ယင်းအခါကပင် နှစ်စိုင်နှစ်တိုင်း ကဆုန်လပြည့်ကျော် တစ်ရက်နိန့် ရောက် တိုင်း ရခိုင်ပြည် မြို့နယ်အသီးသီးနန့် ကမ္ဘာအရပ်ရပ်က ရခိုင်လူမျိုးအစုအဖွဲ့တိစွာ ရခိုင် အမျိုးသားနိန့်ကို ကျင်းပခကတ်စွာ ဖြစ်ပါရေ။

ဒေဂနိန့် ကျွန်တော်ဆွေးနွေးချင်စွာ အကြောင်းအရာက အမျိုးသားနိန့်ဆိုစွာရေ လူ့အဖွဲ့အစည်း တစ်ရပ်အတွက် ဇာအဓိပ္ပါယ်ကိုဆောင်လေဆိုစွာကို ဆွေးနွေးလားဖို့ဖြစ်ပါရေ။ တစ်ခါတည်းနန့် သက်ရောက် အဓိပ္ပါယ်ကတော့ခါ အထူးသဖြင့် ရခိုင်လူ့အဖွဲ့အစည်းအတွက်ကား ရခိုင်အမျိုးသားနိ့ ဆိုစွာ ဇာအဓိပ္ပါယ်ကို ဆောင်လေး ဆိုစွာကို တခါတည်း သက်ရောက်အဓိပ္ပါယ်ရလားဖို့ ဖြစ်ပါရေ။.

အမျိုးသားနိ့ ဆိုစွာကို အင်္ဂလိပ်ပိုင် ပြောကေ National Day လို့ ဆိုပါရေ။ ရခိုင်အမျိုးသားနိ့ ဆိုကေ Arakan National Day ဖြစ်ပါဖို့။

National Day ဆိုစွာရေ Nation (N-A-T-I-O-N) ဆိုစွာကို အထိမ်းအမှတ်ပြုလို့ ကျင်းပကတ်စွာဖြစ်ပါရေ။ Nation ဆိုစွာက နိုင်ငံတည်းဟူသော အစုအဖွဲ့ (သို့မဟုတ်) အမျိုးသားနိုင်ငံကို ဆိုလိုခြင်း ဖြစ်ပါရေ။ ကမ္ဘာအရပ်ရပ်မှာ National Day ကို ကျင်းပကတ်သော လူ့အဖွဲ့အစည်းအသီးသီးရို့ရေ မိမိရို့၏ လက်ရှိနိုင်ငံကို တည်ထောင်ကတ်ရာမှာ အရေးကြီးရေ အဖြစ်အပျက်တစ်ခုခုဖြစ်ပျက်ခရေ နိန့်ရက် ကို အမျိုးသားနိ့အဖြစ် ကျင်းပတတ်ကတ်ပါရေ။ သို့တည်းမဟုတ် မိမိရို့အမျိုးသားနိုင်ငံ၏ အချုပ်အချာအာဏာ ဆုံးရှုံးလားခရရေ နိန့်ကို လေ့သော့ အမျိုးသားနိ့အဖြစ် ကျင်းပတတ်ကတ်ပါရေ။

ဥပမာအားဖြင့် မြန်မာရို့မှာဆိုကေ အင်္ဂလိပ်တိက ကိုလိုနီအဖြစ် အုပ်ချုပ်နီစိုင်ကာလမှာ – အင်္ဂလိပ်ရို့၏ ကျွန်ပညာရေးစနစ်ကို ကန့်ကွက်တေ ဆိုပြီးကေ ရန်ကုန်တက္ကသိုလ် ကျောင်းသားတိနန့် ဂျပ်ဆင်ကောလိပ်ကျောင်းသားတိက ပညာရေးဥပဒေကို ကန့်ကွက်သပိတ် စတင်ဆင်နွှဲရေနိန့်၊ ယင်းနိန့်ကို မြန်မာရို့၏အမျိုးသားနိန့်အဖြစ် သတ်မှတ်ကတ်ပါရေ။ ဗမာစာသည် ဒို့စာ၊ ဗမာစကားသည် ဒို့စကား၊ ဗမာပြေသည် ဒို့ပြေ ဆိုရေ ကြွေးကြော်သံတိနန့် ထိုအခါက လှုပ်ရှားလာကတ်တေ လှုပ်ရှားမှုကနိန် စတင်ပြီးကေ ၁၉၄၈-ခုနှစ် မြန်မာပြေလွတ်လပ်ရေး ရရေအထိ ဖြစ်လားခပါရေ။ ယင်းအတွက်နန့် ကျောင်းသားသပိတ်စခရေ တန်းဆောင်မုန်းလပြည့်ကျော် (၁၀) ရက်နိန့်ကို မြန်မာရို့၏ အမျိုးသားနိန့် အဖြစ် ကျင်းပကတ် ပါရေ။

ဒေနိန်ရာမှာ Natiional Day နန့်ပတ်သက်လို့ Nation ဆိုစွာကို ဆက်စပ်ဆွေးနွေးဖို့ လိုပါရေ။ Nation (အမျိုးသားနိုင်ငံ) ဆိုစွာကို ပြင်သစ်စကားလုံး တစ်လုံးနဲ့ ဘာသာပြန်လို့ ပြောရဖို့ဆိုကေ P-A-T-R-I-E (Patrie) လို့ ဆိုပါရေ။ အင်္ဂလိပ်မှာ Patriot ဆိုကေ မျိုးချစ် ဆိုစွာယင်းစကားလုံးကလာစွာ ဖြစ်ပါရေ။ အင်္ဂလိပ်မှာ Nation လို့ ဆိုစွာကို ပြင်သစ်မှာ ဇာခေါ်လေး ဆိုကေ Patrie လို့ခေါ်ပါရေ။ အင်္ဂလိပ်မှာ fatherland လို့ပင်ခေါ်ခေါ် motherland လို့ပဲ ခေါ်ခေါ် homeland လို့ပဲခေါ်ခေါ် ယင်းစကားလုံးသုံးလုံးကို ပြင်သစ်စကားလုံးပြန်လိုက်ကေ Patrie လို့ အဓိပ္ပါယ်ရပါရေ။ ရခိုင်ဘာသာစကားနန့် ပြန်လိုက်ကေ အဖရခိုင်ပြည်လို့ ဆိုလိုရေသဘော . . . မြန်မာဘာသာစကားနန့်ပြန်လိုက်ကေ အမိမြန်မာနိုင်ငံ ဆိုရေသဘော ကို ဆိုလိုပါရေ။

ဆက်ပြောရဖို့ဆိုကေ Patrie ဆိုစွာရေ ငါရို့ပြေ ငါရို့ nation လို့ ဆိုလိုစွာ ဖြစ်ပါရေ။ ငါရို့ပြေ ငါရို့ nation လို့ဆိုရေ အဖပြည်လူ့အဖွဲ့အစည်းရေ လက်ရှိမှာ အချုပ်အချာအာဏာပိုင်ရေ နိုင်ငံတစ်ခုခု ဖြစ်ချင်ဖြစ်ဖို့ မဖြစ်ချင်ကေလေ့ မဖြစ်။ ဥပမာအားဖြင့် – စပိန်နိုင်ငံထဲက Catalonia နယ်သားတိ၏ အမျိုးသားနိ့စွာ ဇာနိန့်လေးဆိုကေ . . . လွန်ခရေ နှစ်ပေါင်းသုံးရာကျော်က ကတ်တလိုးနီးယား ၏ မြို့တော် ဘာစီလိုးနားမြို့ ကျဆုံးလားခရေ နိ့ (စက်တင်ဘာလ ၁၁ ရက်နိ့) ကို ကတ်တလန် အမျိုးသားရို့၏ အမျိုးသားနိ့ အဖြစ် သတ်မှတ်ပြီးကေ နှစ်စိုင်ကျင်းပကတ်ပါရေ။ ယင်းပိုင်အားဖြင့် ကတ်တလန်သားရို့ရေ ကိုယ်ရို့ကို ကိုယ်ရို့ နိုင်ငံတစ်ခု အနိန်နန့် ရပ်တည်ခရေ ဆိုစွာကို အစိုင်အမြဲ မမိန့်မလျော့ အေနိ့ထက်ထိ ရှိကတ်ပါရေ။ ၂၀၁၇-ခုနှစ်ကဆိုကေ နိုင်ငံအဆင့်ကို ပြန်လည် ခွဲထွက် ရပ်တည်နိုင်ကတ်ဖို့စွာကို ဆန္ဒခံယူပွဲကျင်းပကတ်ပြီးကေ အားထုတ်ကတ်တေ။ စပိန်နိုင်ငံ ဗဟိုအစိုးရက အေနိန့်ထက်ထိ ဖြိုခွင်းနှိပ်ကွပ်တေအတွက်နန့် အေနိ့ထက်ထိတော့ မအောင်မြင် ကတ် ပါသိမ့်။ သို့သော် ကိုယ်ရို့ကို ကိုယ်ရို့ အမျိုးသားလူမျိုးတစ်မျိုး patrie တစ်ခု တိုင်းပြည် တပြည် လို့ ကတ်တလန်အမျိုးသားရို့ အားလုံး ၏ ရင်ထဲမှာ သတ်မှတ်ထားကတ်တေ။ ယင်းပိုင် ကိုယ့်ကိုကိုယ် မသတ်မှတ်တေ နိ့စွာ ယင်းလူမျိုး ပျောက်ကွယ်လားရေနိန့် . . . ယင်း လူမျိုးရေ လူမျိုးအဖြစ်ကရပ်တန့်လားရေနိ့ ဖြစ်ပါရေ။

တခါက ကျွန်တော်စွာ ရန်ကုန်တိုင်း ဥက္ကံမြို့နယ်ထဲက ကျေးရွာတရွာမှာ ဗမာစကားပြောသော ရိုးသားသော တောင်သူလယ်သမားမိသားစု တစုနန့် စကားစမြည် ထိုင်ပြောနိန်ခဖူးရေ။ ဘကြီးရို့စွာ ဇာလူမျိုးလေး လို့ ကျွန်တော်က မိန်းပါရေ။ ယကေ ဘကြီးရို့စွာ ဗမာလူမျိုးပါလတ်၊ သူရို့ကဖြေပါရေ။ ယကေ ကျွန်တော်ကဆက်လို့ မိန်းပါရေ၊ ဘကြီးရို့ရေ ဘကြီးရို့ အဖိုးအဖီး အဇူအစိုင်တိစွာ တခြားတရပ်တကျေးကနိန်ပြီးကေ အေမဒို့ ပြောင်းလာကတ်စွာထင်ပါရေ လို့ ကျွန်တော်ကမိန်းပါရေ။ ယကေ ယင်းလူကြီးက ကျွန်တော့်ကို ဇာဖြေလေးဆိုကေ . . . မဟုတ်လတ်၊ ငါရို့ အဖိုးအဖီးအဇူအစိုင် အစိုင်အဆက် ဒေအမှာနီ ပြီးကေ အေမာကြီးပြင်းကတ်စွာ၊ အေနိန့်ထက်ထိ ငါရို့စွာ ယင်းမာက ဆင်းသက်လာစွာ ဖြစ်တေလို့ ဖြေပါရေ။ နှစ်ရာချီလို့ရာ ဝီးကွာခရေအချိန် ကောင်းကောင်းမဝီးသိရေအချိန် . . . နှစ်ရာချီလို့ ဝီးကွာခရေ အချိန်တချိန်က ယင်းနိန်ရာ (ဥက္ကံမြို့၊ ရန်ကုန်တိုင်းဒေသကြီး၊ ဥက္ကံမြို့နယ်အပါအဝင် အောက်မြန်မာနိုင်ငံတခွင်လုံး) စွာ . . . မွန်ပြည်ဆိုစွာကို အေနိန့်အေချိန်ခါမှာ တယောက်လေးမသိလိုက်ကတ်ပါဗျာလ်။ သူရို့လေး . . . ဒေနိန့်ဒေလူတိလေး မသိလိုက်ကတ်ပါဗျာလ်။ မွန်လူမျိုးတိ ရက်ရက်စက်စက် လူမျိုးတုန်း သတ်ဖြတ်ခံရစွာတိကို ဒေလူတိ မသိလိုက်ဗျာလ်။ အေလူတိ အေနိန့်မသိလိုက်ကတ်ပါဗျာလ်။ မွန်ဘုန်းကြီးတိ အစုလိုက် အပြုံလိုက် အသတ်ခံခရဖူးရေ ဆိုစွာကိုလေး အေနိန့် အေလူတိ မသိလိုက်ပါဗျာလ်။ ယင်းပိုင် မသိခြင်းနှင့်အတူ မွန်လူမျိုး မွန်နိုင်ငံတည်ရှိခြင်းသည်လည်း ရပ်စဲလားပါရေ။ ဇာလောက်အထိ အခြေအနီဆိုးလားခလေးဆိုကေ ရှေးယခင်ကမွန်ရို့တိုင်းပြည်မှာ ပါဝင်ခရေ ဒေကနိန့် ရန်ကုန်တိုင်းဒေသကြီး လို့ခေါ်သော နယ်မြေမှာ မွန်တိုင်းရင်းသားရေးရာ ကိုယ်စားလှယ်တစ်ဦး အရွီးခံနိုင်ဖို့အတွက် မွန်လူမျိုး ငါးသောင်းလိုပါရေ။ ယင်းပိုင် ငါရို့ရေ မွန်လူမျိုးဖြစ်ပါရေ လို့ နာမေခံဖို့လူ ငါးသောင်းတောင် မရှိလိုက်ပါယာ။ ယင်းတွက်နန့် ယင်းဒေသ ရန်ကုန်တိုင်းဒေသကြီးမှာ မွန်တိုင်းရင်းသားရေးရာဝန်ကြီး တစ်နေရာကို မရကတ်ပါ။ မွန်နိုင်ငံကို ပြန်ရဖို့ဆိုစွာ ကောင်းကောင်း အဝီးကြီး ပါသိ။

ကိုယ့်လူမျိုး ကိုယ့်နိုင်ငံလို့ဆိုရေ Nation သို့မဟုတ် Patrie လို့ ကိုယ့်ကိုယ်ကို ခံယူဖို့အတွက် မိမိရို့၏ စုပေါင်းအတိတ်လို့ဆိုရေ မိမိရို့၏ သမိုင်းကို မမိန့်မလျော့ရှိလျက် လူမျိုးနဲ့ နယ်မြေကို ကိုင်စွဲထားနိုင်ဖို့ အလွန်အရေးကြီးပါရေ။ ဇာဖြစ်လို့လေးဆိုကေ အချုပ်အချာအာဏာကို ပိုင်သည်ဖြစ်စေ မပိုင်သည် ဖြစ်စေ နိုင်ငံအဆင့်ကိုတည်ထောင်နိုင်သော လူမျိုးအစုအဖွဲ့၊ အခုနကပြောရေ nation လို့ ခေါ်ခေါ် Patrie လို့ပဲ ခေါ်ခေါ် မိမိရို့၏အမျိုးသားအစုအဖွဲ့ ဆိုစွာရေ ပေါင်းစည်းထားသော စိတ်နှလုံးသားနန့် ဖြစ်တည်စွာ ဖြစ်ပါရေ။ ယင်းပိုင် ပေါင်းစည်းထားသော စိတ်နှလုံးသားများနန့် စုဝေး ဖြစ်တည်နိုင်ဖို့ရာမှာ အချက်နှစ်ချက် လိုအပ်ပါရေ၊ အချက်နှသ်ချက်ပါ။ အပိုင်းနှစ်ပိုင်း ရှိပါရေ။ တပိုင်းက ဇာဆိုလေးဆိုကေ မိမိရို့၏ အတိတ်မှာတည်ရှိခရေ၊ နောက်တစ်ပိုင်းစွာ မိမိရို့၏ ပစ္စုပန်မှာ ရှိရေ။ ယင်းပိုင်အပိုင်းနှစ်ပိုင်း နန့် လူမျိုးတမျိုးရေ လက်ရှိအခြေအနေမှာ ရှိနိန်စွာ ဖြစ်ပါရေ။ တစ်ပိုင်းက မိမိရို့ရေ လူမျိုးတစ်မျိုးအနိန်နန့် အတိတ်က ကြီးကျယ်ခစွာကိုပါ မကြီးကျယ်ခစွာကိုပါ ရှုံးနိမ့်ပျက်စီး ခစွာကိုပါ အတိတ်က မှတ်မိစရာ အကြောင်းအချက်တိကို မိမိရို့ သမိုင်းအမွီအနှစ်အနိန်နန့် ရထားစွာ ဖြစ်ပြီးကေ၊ နောက်တစ်ပိုင်းမှာ . . . (ယင်းဟင့်ကတပိုင်း) . . . နောက်တပိုင်းက ဇာလေးဆိုကေ လက်ရှိအခြေအနေမှာ မိမိရို့ရေ လူမျိုးတစ်မျိုးအနိန်နန့် တစုတစည်းတည်းနိန်ကတ်ဖို့ ဆိုစွာ မိမိရို့၏ consent သဘောတူညီချက်ရှိရဖို့။ ယင်းနှစ်ချက်ပြည့်စုံကေ အေနိန့် အေအချိန်မှာ လူမျိုးတစ်မျိုးအနိန်နန့် တည်ရှိနိုင်ဖို့ ဖြစ်ပါရေ။ ယင်းတွက်နန့် တနည်းအားဖြင့် မိမိရို့၏ အမျိုးသား လူ့အဖွဲ့အစည်း တနည်းအားဖြင့် မိမိရို့မှာ ဆိုကေ အဖရခိုင်ပြေလို့ ခေါ်ကတ်တေ အမျိုးသား လူ့အဖွဲ့အစည်း၏ အနှစ်သာရက ဇာလေးဆိုကေ . . . ယင်းနှစ်ပိုင်း ယင်းနှစ်ပိုင်း ရှိနိန်သိလို့ အေကနိန် မိမိရို့ အမျိုးသားလူ့အဖွဲ့အစည်း ရှိနိန်စွာ ဖြစ်ပါရေ။

မဟာမုနိရုပ်ရှင်တော်မြတ်ကြီး သွန်းလောင်းပြီးစီးသော နိန့်ရက်ကို ရခိုင်အမျိုးသားနိန့် အဖြစ်သတ်မှတ်စွာ အင်မတန်မှ သင့်မြတ် လျော်ကန်ပါရေ။ တစ်အချက်က ဇာဖြစ်လို့လေးဆိုကေ “အမျိုးသီလ၊ နှစ်ဌာနကို၊ ပြည်ဝမဏ္ဍိုင်၊ စောင့်စွမ်းနိုင်၍၊ ရခိုင်နာမ၊ ဘွဲ့မည်လှဖြင့်၊ အနွတ္တသညာ၊ ခေါ်အပ်ရာတည်း” လို့ ဆိုကတ်သော ရခိုင်ရို့၏ ဂုဏ်ရည်နှစ်ရပ်မှာ တရပ်က အမျိုးကိုစောင့်ဖို့၊ အမျိုးကို စောင့်ရုံမျှသာမဟုတ် သီလကိုပါစောင့်ရေ ဆိုရေ ဂုဏ်ပုဒ်ကိုပါ ထည့်ထားပါရေ၊ ဆိုကေ . . . ယင်းသီလကိုစောင့်ရေဆိုသော ဂုဏ်ပုဒ်ကို ထပ်ဆင့်အနက်အဓိပ္ပါယ်ကောက်ဖို့ဆိုကေ . . . ကျွန်တော်ရို့ ရခိုင်တိရေ ဗုဒ္ဓဘာသာဖြစ်ကတ်ကေ၊ အထူးသဖြင့် လွန်ခရေ နှစ်ပေါင်းနှစ်ထောင့်ငါးရာကျော်ကပင် မြတ်စွာဘုရားရှင် လက်ထက်ကပင် ဗုဒ္ဓဘာသာဝင်တိဖြစ်ကတ်ကေ ဆိုရေအချက်ကို အလေးအနက် ဆိုလိုရင်း ဖြစ်ပါရေ။ နှစ်အချက်က ရခိုင်ရို့ရေ မဟာမုနိဘုရားကြီးကို ရခိုင်ရို့အချုပ်အချာအာဏာ၏ သင်္ကေတအဖြစ် မှတ်ယူကတ်ပါရေ။ ယင်းအချက်ကိုလည်း မမိန့်မလျော့ နှလုံးသားထဲမှာ အစိုင်အမြဲ အတွက်ကျ နိန်ဇီဖို့ အေအမျိုးသားနိ့က အထောက်အကူပြုပါလိမ့်မေ။

မိမိရို့၏ စုပေါင်းမှတ်ညာဏ်ထဲမှာ မိမိရို့အတိတ်က ပျော်ရွှင်သာယာခံစားခရရေ ကာလတိလည်း ရှိဖို့၊ မိမိရို့နာကျင်ခံစားခရရေ ကာလတိလေး ရှိပါဖို့။ ဥပမာအားဖြင့် လူမျိုးတုန်းသတ်ဖြတ်ခံရမှု၊ အချုပ်အချာအာဏာ ဆုံးရှုံးမှုရို့ရေ မမိန့်မလျော့ကောင်းသော ဖြစ်ရပ်တိဖြစ်ပါရေ။ မိမိရို့ ရခိုင်တည်းဟူသော မိမိရို့ အမျိုးသားအဖွဲ့အစည်းမှာရေ အတိတ်က ရွှေထီးဆောင်ခရေ ကာလတိ လည်းရှိဖို့၊ ယပြီးကေ မိမိရို့ အတိတ်မှာ ခါးသီးခံစားခရရေ ဒုက္ခရောက်ရရေ ကာလတိလည်း ရှိပါဖို့၊ မိမိရို့သမိုင်းမှာ ဟိပါဖို့။ ယင်းနှစ်မျိုးထဲမှာ မိမိရို့အတိတ်မှာ ခါးသီးခံစားခရသော ဒုက္ခရောက်ခရသော ကာလတိစွာ ဒုက္ခမရောက်တေကာလထက် ပိုကောင်းစွ တချက်ရှိရေ။ ဒုက္ခရောက်ခရသောကာလတိရေ ဇာဖြစ်စီလေးဆိုကေ ကျွန်တော်ရို့ကို ပိုပြီးကေ စုစည်းညီညွတ်စီပါရေ။ စည်းနှောင်မှုဖြစ်စီရေ၊ စုစည်းမှုဖြစ်စီရေ။ မိမိရို့၏အတိတ် မိမိရို့၏သမိုင်းမှာ ခါးသီးဒုက္ခ ခံစားဒုက္ခရောက်ကတ်ရရေ ကာလတိရှိခခြင်း “having suffered together” ဆိုစွာရေ . . . ပျော်ရွှင်ခရရေကာလတိထက် ကျွန်တော်ရို့ကို ပိုလို့ စုစည်းညီညွတ်စီပါရေ။ အမျိုးသားတစ်ရပ်လုံး နန့် သက်ဆိုင်ရေ မှတ်မိသတိရစရာတိနန့် ပတ်သက်လာကေ၊ ပူဆွေးသောကရောက်ခကတ်ရခြင်းတိရေ အောင်ပွဲရခကတ်ခြင်းတိ ထက်ပိုပြီးကေ တန်ဖိုးပိုရှိပါရေ။ ဇာဖြစ်လို့လေးဆိုကေ ယင်းပိုင် ပူဆွေးသောက ရောက်ကတ်ရရေ ကာလတိစွာရေ ကျွန်တော်ရို့ ပခုံးတိထက်ကို တာဝန်တိ ပီးအပ်ပါရေ။ ကျွန်တော်ရို့ကို လက်တွဲဆောင်ရွက်ရဖို့ တာဝန်တိချမှတ်ပီးပါရေ။ လက်တွဲကြိုးပမ်းကတ်ရဖို့ဆိုပြီးကေ မဖြစ်မနေဖြစ်လာစီပါရေ။ ရည်မှန်းအပ်ရာတိလေး ကျွန်တော်ရို့ဘားမှာ ရှိလာစီပါရေ။ ယင်း ရည်မှန်းချက်ကို လျှောက်လှမ်းရဖို့ဆိုစွာကိုလည်း ကျွန်တော်ရို့ အမျိုးသား အမျိုးသမီးတိကို သိမြင်စီပါရေ။

မိမိရို့အမျိုးသားအတွက် အလုပ်လုပ်လိုသော အဖွဲ့အစည်းတရပ်ရေ ထွန်းပေါက် ထိရောက်ဖို့အတွက် မဖြစ်မနေလိုအပ်ချက် သုံးခုရှိရေလို့ ခေါင်းဆောင်တိက ပြောကတ်စွာ ရှိပါရေ။ တစ်အချက် ရည်မှန်းချက်ရှိရဖို့၊ နှစ် လူထုထောက်ခံမှုရှိရဖို့၊ သုံး စည်းကမ်းရှိရဖို့ လို့ ပြောကတ်ပါ ရေ။

နံပါတ်တစ်၊ ရည်မှန်းချက် ရှိရဖို့။ အမျိုးသားတစ်ရပ်မှာ ရှိရဖို့ ရည်မှန်းချက်ဆိုစွာ ဇာလေးဆိုစွာ ကိုတော့ခါ အေမှာ မဆွေးနွေးပါဗျာလ်။ နောက်ဆက်တွဲ ဆက်စပ်စွာတစ်ခုကတော့ခါ ယင်းရည်မှန်းချက်ပန်းတိုင်ကို လားရာမှာ ဇာနည်းလမ်းတိနန့် လားရဖို့လေး။ ယင်းဟင့်ကိုလေး မဆွေးနွေးပါဗျာလ်။ ယကေ ယင်းရည်မှန်းချက်ပန်းတိုင်ကိုလားရာမှာ နည်းလမ်းနှစ်သွယ် ရှိရေလို့ . . . ပြောမိလားခကေလေး အေနိန့်အေအချိန်မှာ ကျပ်တည်းရေအတွက်နန့် ကျွန်တော်ရို့ ဒုက္ခရောက်လားနိုင်ပါရေ။ အရှည်တော့ မပြောပါဗျာလ်။

ယကေ . . . နံပါတ်နှစ်အချက်၊ လူထုထောက်ခံမှု။ လူထုထောက်ခံမှု လို့ဆိုစွာထက် လူထု၏ ပါဝင်ပတ်သက်မှု (involvement) ဆိုကေ ပိုလို့မှန်ကန်လေးနက်ပါရေ။ ဆိုလိုရေအချက်က လူထု၏ပါဝင်ပတ်သက်မှု (involvement) ပိုပြီးကေ မြင့်မားရပါဖို့။ ဥပမာအားဖြင့် ပြောဖို့ဆိုကေ – မြန်မာနိုင်ငံ၏ လွတ်လပ်ရေး မျိုးစိကို ချပီးစွာ ဆရာတော် ဦးဥတ္တမ လို့ပြောကတ်ပါရေ။ ဆရာတော် ဦးဥတ္တမ စတင်ပြီးကေ နာမေကြီးလာရေအချိန်မှာ ဆိုကေ ဆရာတော်ဦးဥတ္တမကို တခဲနက် မြန်မာတပြည်လုံးက ထောက်ခံကတ်တေ။ ယကေ ကိစ္စစွာ ဆရာတော်ဦးဥတ္တမကို တခဲနက် တနိုင်ငံလုံးက ထောက်ခံစွာနန့် ပြီးဗျာလ်လား ဆိုကေ မပြီးပါသိ။ ဆရာတော်ဦးဥတ္တမပိုင်လူတိ ပေါ်ထွန်းလာမှ ဆရာတော်ဦးဥတ္တမအချေ၊ ဆရာတော်ဦးဥတ္တမအကြီး၊ ဆရာတော် ဦးဥတ္တမပိုင်လူတိ မြန်မာနိုင်ငံတပြည်လုံး ပြန့်ပွားလာခါမှ ဆရာတော်ဦးဥတ္တမ စိတ်ဓါတ်ပြန့်ပွား လာခါမှ – မြန်မာနို်င်ငံရေ လွတ်လပ်ရေးကို မဖြစ်မနေ ရရဖို့ ဆိုရေအနေအထားကို ရောက်လားစွာ ဖြစ်ပါရေ။

ယကေ . . . ယင်းပိုင် ပါဝင်ပတ်သက်လုပ်ဆောင်မှု (involvement) မြင့်မားအောင် ကြိုးစားရေ နိန်ရာမှာ ကျွန်တော်ရို့ရေ စုဖွဲ့မှုအားကောင်းအောင် ကြိုးစားကတ်ရဖို့။ တခါတရံမှာ စုဖွဲ့ဖို့ကြိုးစားကတ်စွာ ကြိုးစားမှုတိစွာ ပြိုကွဲချင် ပြိုကွဲလားပါဖို့ . . . ။ ယင်းပိုင် ပြိုကွဲလားကေလေ့ . . . ဖြစ်ရပ်တိက ရှိ့ကဖြစ်ရပ်တိကို သင်ခန်းစာယူပြီးကေ ပြန်လည်စုဖွဲ့ပြီးကေ ကျွန်တော်ရို့ ရည်မှန်းချက်ရှိရာကို ရောက်အောင် ဆက်လားကတ်ရဖို့ ဖြစ်ပါရေ။

အခုနကစွာကို ပြန်ကောက်ရဖို့ဆိုကေ . . . မိမိရို့အမျိုးသားအတွက် အလုပ်လုပ်ချင်ရေ အဖွဲ့အစည်း တရပ်စွာ – ရည်မှန်းချက် ရှိရဖို့၊ လူထုထောက်ခံမှု ရှိရဖို့ (သို့တည်းမဟုတ်) လူထုပါဝင်ပတ်သက်မှု (involvement) ကိုမြင့်မားအောင်လုပ်ရပါဖို့၊ ယေပြီးကေ . . . စည်းကမ်း ရှိရပါဖို့ . . . ။ ယပိုင်ဆိုကေ အောင်မြင်ကတ်ဖို့စွာရေ မြေကြီးလက်ခတ်မလွဲ ဖြစ်ပါရေ။

ထိုနည်းတူစွာ လူမျိုးတိမှာ – လူမျိုးတမျိုးရေ အောက်ကျနောက်ကျ ဖြစ်ရရေကာလတိ အမြိဲ ရှိတတ်ပါရေ။ ယင်းလူမျိုးတမျိုး အောက်ကျနောက်ကျဖြစ်တေ အခြေအနေကို ရောက်ဗျာလ်ဆိုကေ ဘက်ပေါင်းစုံက အခြားအခြေအနေတိပါ ယုတ်လျော့လာတတ်တေ။ ယင်းအချိန်မှာ ပြင်ပက ရန်သူတိကလည်း မိမိရို့လူမျိုး အားနည်းသထက်အားနည်းအောင် လုပ်ဆောင်ကတ်ပါရေ။ ဥပမာ ပြောဖို့ဆိုကေ – လွန်ခရေ နှစ်ပေါင်း တရာကျော်လောက်က တရုတ်ပြည်ကို အင်္ဂလန်ရို့၊ အမေရိကန်ရို့၊ ဂျပန်ရို့ အပါအဝင် အင်အားကြီးနိုင်ငံတိက တရုတ်ပြည်ကို ဖရီးသီးစိတ်ပိုင် အစိတ်စိတ် စိတ်ရေကာလမှာ ဇာကိုပါလုပ်ကတ်လေးဆိုကေ တရုတ်ပြည်ကို သင်္ဘောတိအစီးလိုက် အစီးလိုက်နန့် ဘိန်းသွင်းကတ်တေ။ ယင်းပိုင်သွင်းပြီးကေ တရုတ်တိကို ဘိန်းစားဖြစ်အောင်ဖျက်ဆီးကတ်တေ။ ယင်းဟင့်ကို မလိုလားသော တရုတ်မျိုးချစ်တိက အေကိစ္စကို ရပ်တန့်အောင် မဖြစ်ဖြစ်အောင် ကြိုးစားခရေအတွက်နန့် တရုတ်လူမျိုးရေ ကိုယ့်စွာကိုယ် ကိုယ့်လူမျိုးကိုကိုယ် ကယ်တင်ပြီးကေ အေနိန့်အေအချိန်မှာ အေပိုင် ကမ္ဘာက လေးစားခန့်ညားရသော နိုင်ငံကြီးတနိုင်ငံ အနိန်နန့် အေနိန့်အေအချိန်မှာ ရပ်တည်နိုင်စွာဖြစ်ပါရေ။ ထိုနည်းတူစွာပဲ ကျွန်တော်ရို့က အမျိုးချစ်ရေးတရားကို ဇာလောက်ပင် ဟောဟော၊ ကျွန်တော်ရို့၏ . . . ကျွန်တော်ရို့လက်ကနိန်ပြီးကေ တာဝန်ကို လက်ဆင့်ကမ်းယူဖို့ မျိုးဆက်သစ်လူငယ်တိစွာ မူးယစ်ဆေးဝါးသားကောင်တိ ဖြစ်နိန်ဖို့ဆိုကေ ကျွန်တော်ရို့ ရခိုင်လူမျိုး အဖရခိုင်ပြည်၏ အနာဂတ်စွာ ရှိနိုင်ဖို့ မဟုတ်ပါဗျာလ်။

ယကေ အခုနားကစကားကို ဆက်ကောက်ရဖို့ဆိုကေ . . . ၊ အခုနကပြောသော ရည်မှန်းချက်ကိုလားခြင်း ဆိုသောစကားကို ပြန်ကောက်ပါမေ။ ယင်းပိုင် ရည်မှန်းချက်ကို လားချိန်မှာ ကျွန်တော်ရို့စွာ အခက်အခဲအများကြီးကို ကျော်လွှား ကတ်ရဖို့သိ ဖြစ်ပါရေ။ ယင်းဟင့်ကတော့ သေချာပေါက် ကျော်လွှားရဖို့သိ ဖြစ်ပါရေ။ ကျော်လွှားလည်း ကျော်လွှားနိုင်ဖို့စွာ ဖြစ်တေ လို့ ကျွန်တော်က အလေးအနက် ယုံကြည်ပါရေ။ ယင်းပိုင် ရည်မှန်ချက်ရှိရာကိုလားရာမှာ အခက်အခဲတိကို ကျော်လွှားလို့လားရာမှာ လက်ချင်းချိတ်ဆက်ပြီးကေ လူထုစည်းရုံမှုအင်အားကို ယူလို့လားရာမှာ လူထုဆန္ဒပြပွဲ လူထုချီတက်ပွဲပေါင်းများစွာမှာ အမေရိကန်မှာ အထူးသဖြင့် အမေရိကန်နိုင်ငံမှာ လက်ချင်းချိတ်ပြီးကေ စုပေါင်းသီဆိုကတ်သော တေးခြင်းတပုဒ် ရှိပါရေ။ ယင်းတေးခြင်းနာမေက ဇာလေးဆိုကေ “We shall overcome.” ။ “We shall overcome.” ငါရို့ ကျော်ကိုကျော်လွှားလားနိုင်ဖို့ ဖြစ်တေ လို့ တေးခြင်းနာမေက အဓိပ္ပါယ်ရပါရေ။ ပြီးခရေ တစ်ရက်နှစ်ရက်က ကျွန်တော် အင်္ဂလိပ်စာ သင်တန်း တခုမှာ စေတနာ့ဝန်ထမ်းဆရာ တစ်​​​ယောက်​ ​အနေနန့် နွေရာသီမှာ ဝင်ပြပါရေ။ သင်တန်းက မေတ္တာရပ်ခံရေအတွက်နန့် ကျွန်တော် ဝင်ပြပါရေ။ ယင်းသင်တန်းမှာ ပြီးခရေ နှစ်ရက်က ယင်းတေးခြင်းကို သင်ခ ပါသိရေ။ အေနေရာမှာ အခြားစတိတ်ရှိုးအဖွဲ့က မလာခင် ကျွန်တော်ကယင်းတေးခြင်းကို ဆိုပြခချင်ပါရေ။ ဆိုပြပါမေ။ . . . တသက်နန့်တကိုယ် စင်ထက်မှာ တေးခြင်း မဆိုဖူးပါ။ . . . တေးခြင်းနာမေက We shall overcome. ၊ ငါရို့ကျော်လွှား နိုင်ရဖို့ ဆိုရေတေးခြင်း ဖြစ်ပါရေ။ အတို​ချေပါရာ။

We shall overcome
We shall overcome
We shall overcome, some day

Oh, deep in my heart
I do believe
We shall overcome, some day

We’ll walk hand in hand
We’ll walk hand in hand
We’ll walk hand in hand, some day

Oh, deep in my heart
I do believe
We shall overcome, some day

We shall live in peace
We shall live in peace
We shall in peace, some day

Oh, deep in my heart
I do believe
We shall overcome, some day

We are not afraid
We are not afraid
We are not afraid, TODAY

Oh, deep in my heart
I do believe
We shall overcome, some day

စတိတ်ရှိုးမလာခင် မိတ်ဆက် ပယေ။ အင်္ဂလိပ်စာသားချေတိက အလွယ်ကာချေပါ။ ကြားစွာနန့် နားလည်ရေလို့ ထင်ပါရေ။ ယကေလေ့သော့ . . . အလွယ့်ကာသားချေတိ ဖြစ်ကေလေ့သော့ . . . ပိုပြီးကေ အမှတ်တရဖြစ်အောင် ကျွန်တော် ယင်းအလွယ့်ကာချေ စာသားကို ဘာသာပြန်လို့ ပြောပီးပါမေ။

We shall overcome
We shall overcome
We shall overcome, some day
ငါရို့ရေ တနိန့်တရက်မှာ အားလုံးကို ကျော်လွှားလားနိုင်ကတ်ဖို့စွာ ရာဖြစ်တေ။

Oh, deep in my heart
I do believe
We shall overcome, some day

deep in my heart ငါ၏နှလုံးသားထဲမှာ . . . I do believe ငါ နက်နက်ရှိုင်းရှိုင်း ယုံကြည်စွာက . . . We shall overcome, some day ငါရို့ရေ တနိန့်ရက်ရက် မှာ အသေအချာ ကျော်လွှားနိုင်ဖို့ ဖြစ်ပါရေ လို့ ငါရို့ ယုံကြည်ပါရေ။ အရာ နောက်တပိုဒ် . . .

We’ll walk hand in hand
We’ll walk hand in hand
We’ll walk hand in hand, some day

We’ll walk hand in hand ငါရို့ရေ လက်ချင်းချိတ်ပြီးကေ လမ်းလျှောက်လားဖို့ ဖြစ်ပါရေ။ နောက်တပိုဒ်၊ နောက်ဆုံးတပိုဒ် . . .

We are not afraid
We are not afraid
We are not afraid, TODAY

Today. Today ဆိုစွာ ဒေနိန့်။ ငါရို့ရေ အခက်အခဲတိကို ကျော်လွှားနိုင်ဖို့စွာက some day တရက်ရက်မှာ ကျော်လွှားနိုင်ဖို့။ ယင်းပိုင်ကျော်လွှားနိုင်ဖို့ အေနိန့်ကပင် မကြောက်ဖို့လိုရေ။ We are not afraid, TODAY. ငါရို့ရေတနိန့်တရက်ရက်မှာ အားလုံးကို ကျော်လွှားလားနိုင်ကတ်ဖို့ ဖြစ်ပါရေ . . . ဆိုစွာကတော့ခါ။ တေးခြင်းကို ကျွန်တော် စလို့ဆိုရေကပင်ကြားရေလူတိ . . . စာသားက အလွယ့်ကာချေ ဖြစ်တေအတွက်နန့် အားလုံးကို နားလည်ကတ်ဖို့လို့ ထင်ပါရေ။

ယကေ . . . နောက်ဆုံးနိဂုံးချုပ် အနိန်နန့်ပြောဖို့ဆိုကေ . . . တစ်ခွန်းတည်းပါ။ နောက်ဆုံးနိဂုံးချုပ် အနိန်နန့်ပြောဖို့ဆိုကေ . . . ဒေဂနိန့် ထောင်သွင်းအကျဉ်းကျပြီးကေ အချုပ်ချထားခံနိန်ရရေ ရခိုင်လူထုခေါင်းဆောင် ဒေါက်တာအေးမောင်ကို ဒေဟောပြောချက်အားဖြင့် လေးစားဂုဏ်ပြု ပါကြောင်း ပြောကြားရင်းနန့် နိဂုံးချုပ်အပ်ပါရေ။

အားလုံးကို ကျေးဇူးတင်ပါရေ။

ကျော်ဇောဦး
၃၀ မေလ ၂၀၁၈
ဘူးသီးတောင်မြို့

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s