“မင္းေကာင္းမင္းျမတ္” တည္း ဟူေသာ အယူအဆ
==========
written by Kyaw Zaw Oo

ေျမာက္ဦး လကၠာရြာထဲက လူ (၂၇) ဦးကို ၂၀၁၉ ဧၿပီလ (၁၀) ရက္ေန႔က ရြာထဲ၀င္ေမႊၿပီး ဖမ္းေခၚသြားတယ္။ ဖမ္းေခၚသြားၿပီး ရက္ႏွစ္ဆယ္ မျပည့္ခင္မွာ အဖမ္းခံရသူေတြထဲက သံုးဦးေသသြားၿပီ လို႔ ရာခိုင္ႏႈန္း ေတာ္ေတာ္မ်ားမ်ား ခိုင္မာတဲ့ သတင္းေတြၾကားသိေနရတယ္။

လကၠာရြာထဲက ၀င္ဖမ္းသြားတာခံရတဲ့ လက္နက္မဲ့လူ (၂၇) ဦး ဟာ ေအေအတပ္ဖြဲ႕၀င္ေတြျဖစ္ေနေစဦး၊ သူတို႔ဟာ အက်ဥ္းသားအခြင့္အေရးကို ရကိုရ ရပါမယ္။ သူတို႔ကို ႏွိပ္စက္ပိုင္ခြင့္ လံုးဝမရွိပါဘူး။ အယုတ္စြဆံုး သန္႔ရွင္းတဲ့ ေသာက္သံုးေရ ရပိုင္ခြင့္ကိုေတာင္ ဖမ္းခ်ဳပ္ထားသူေတြက ျငင္းပယ္ခြင့္မရွိပါဘူး။

ငါတို႔ဖမ္းၿပီး လုပ္ခ်င္တာလုပ္တယ္၊ မင္းတို႔ဘာေျပာခ်င္သလဲ ဆိုတဲ့ လက္ရွိျမန္မာျပည္က ေပါမ်ားလွစြာေသာ ပညာမဲ့ေတြေျပာတဲ့စကားမ်ိဳးကို တာ၀န္ရွိသူေတြက (တရားမ၀င္/off the record) ေျပာေကာင္းေျပာႏိုင္ပါတယ္။ ငါတို႔ ဒီလို လုပ္ႏိုင္ ေျပာႏိုင္တဲ့ အင္အားရွိလို႔ ေျပာတာ လုပ္တာ လို႔ ဆိုေကာင္း ဆိုႏိုင္ပါတယ္။ ဒါေပမဲ့ ဒီလိုမ်ိဳး စိတ္ကူးျခင္း ေျပာဆိုျခင္း လုပ္ကိုင္ျခင္းမ်ားမွာ မလြဲမေရွာင္သာတဲ့ အက်ိဳးသက္ေရာက္မႈေတြရွိလာမွာ ျဖစ္ပါတယ္။ ဒီလို အက်ိဳးသက္ေရာက္မႈေတြရွိလာမွာမို႔လို႔ သူပုန္ျဖစ္ေစ အစိုးရ လက္နက္ကိုင္ေတြျဖစ္ေစ ဂ်ီနီဗာကြန္ဗန္းရွင္းေတြကို လိုက္နာၾကဖို႔ ကြၽန္​​ေတာ္​ ႏိႈးေဆာ္ေနတာျဖစ္ပါတယ္။

ျမန္မာႏိုင္ငံလို႔ လက္ရွိေခၚေနၾကတဲ့ နယ္ေျမမွာ ဟိုးတစ္​ခ်ိန္​တုန္​းက ၿမိဳ႕ျပႏိုင္ငံေတြ၊ ဘုရင့္ႏိုင္ငံေတြရဲ႕ အတက္အက်ေတြမွာ မိမိကိုယ္ကို အင္အားႀကီးေအာင္ ထိန္းသိမ္းထားဖို႔ဆိုရင္ မိမိဟာ ပိုင္နက္နယ္ေျမေတြကို တရားသျဖင့္ အုပ္ခ်ဳပ္တဲ့ မင္းေကာင္းမင္းျမတ္ျဖစ္ေၾကာင္း ဂုဏ္သတင္း သင္းပ်ံ႕ေနဖို႔ လိုပါတယ္။ တိုင္းျပည္ဖရိုဖရဲ ျဖစ္ေနစဥ္ကာလ ရခိုင္၊ ဗမာ၊ တလိုင္း လူဦးေရေတြနဲ႔ ေတာင္ငူကို မင္းႀကီးညိဳ စတင္တည္ေထာင္ၿပီး မ်ားမၾကာခင္မွာ လူေတြ တစတစနဲ႔ စုေ၀းေရာက္ရွိလာၿပီး အင္အားႀကီးလာတာဟာ မင္းေကာင္းမင္းျမတ္ ဆိုတဲ့ ဂုဏ္သတင္းကို ေဆာင္ႏိုင္လို႔ ျဖစ္ပါတယ္။

ရခိုင္ဘုရင္ မင္းရာဇာႀကီး အေနာက္ဖက္ကို ခ်ီတဲ့ စစ္ဆင္ေရးႀကီးမွာ မင္းရာဇာႀကီးကို ဥပါတံမ်ဥ္နဲ႔ လွည့္ဖ်ားေျပာဆိုၿပီး ရခိုင္ေရတပ္အပါအ၀င္ ေရေၾကာင္းခ်ီတပ္ဖြဲ႕ကို သူဦးေဆာင္မယ္လို႔ ဆိုၿပီးသကာလ ဆန္းဒ္၀ိခ်္ ကၽြန္းရွင္ တီဘာအို ဟာ သူ႔လက္ေအာက္က ေပၚတူဂီတပ္မွဴးေတြနဲ႔ ရွိရွိသမွ် ရခိုင္ေရတပ္က တပ္မွဴးေတြ ပညာသည္ေတြကို စားေသာက္ပြဲႀကီး ေခၚေကၽြးၿပီး အဲသည္မွာ ရခိုင္​စစ္​သည္​အားလံုးကို ဖမ္းဆီးကာ သတ္ပစ္လိုက္ဖူးတယ္။ ဘယ္ေလာက္အထိ ထိခိုက္သြားသလဲဆိုရင္ – ဘဂၤလားပင္လယ္ေအာ္မွာ ဘယ္သူလာလာေၾကာက္ရပါတယ္ ဆိုတဲ့ ရခိုင္ေရတပ္ကို ျပန္လည္ထူေထာင္ဖို႔ ကၽြမ္းက်င္သူတစ္ဦးတေလေတာင္ မက်န္ေတာ့တဲ့ အဆင့္ျဖစ္သြားတယ္။ အဲဒီအခ်ိန္က စၿပီး ရခိုင္ေရတပ္ နလံမထူေတာ့တာ ျဖစ္တယ္။ အဓိက ရည္စူးေျပာခ်င္တာက အင္မတန္မွ ခက္ထန္ၾကမ္းၾကဳတ္တယ္လို႔ နံမည္ႀကီးတဲ့ လက္ေအာက္ငယ္သားေတြကို ေတာင္ ညႇာတာမႈကင္းမဲ့တဲ့ တီဘာအို ရဲ႕ ဇာတ္သိမ္းခန္းကို ရွာဖတ္ၾကည့္ပါ။ လက္ေအာက္ငယ္သားေတြကို ေတာင္းပန္တာေတာင္မွ လက္မခံဘဲ တပည္​့​ေတြ စြန္႔ခြာသြားၾကတဲ့အတြက္ အင္အားမရွိသေလာက္ျပန္ျဖစ္သြားၿပီး မရႈမလွ ဇာတ္သိမ္းရတယ္။

ေျပာခ်င္တဲ့ သင္ခန္းစာက – မင္းက်င့္တရားတဲ႔ ညီညြတ္တယ္ လို႔ သတင္းႀကီးတဲ့ အစုအဖြဲ႕ဟာ အင္အားႀကီးလာမယ္။ မင္းက်င့္တရားနဲ႔ မညီညြတ္ဘူးလို႔ သတင္းထြက္တဲ့အဖြဲ႕ဟာ အင္အားနည္းလာမယ္။

​ေအ​ေအ ဟာ မင္​း​ေကာင္​းမင္​းျမတ္​ တရား​ေတြနဲ႔ ညီၫြတ္​တယ္​လို႔ ယူဆၾကရင္​ ​ေအ​ေအကိုသြားဝင္​ၾကမယ္​။ တိုင္​းရင္​းသား မဟာမိတ္​​ေတြက ​ေအ​ေအနဲ႔လက္​တြဲမယ္​။ ​ေအ​ေအ အင္​အားၾက္ီးလာမယ္​။ ျမန္​မာအစိုးရဟာ မင္​း​ေကာင္​းမင္​းျမတ္​ ျဖစ္​တယ္​လို႔ ယူဆရင္​ လူ​ေတြက ျမန္​မာ အစိုးရနဲ႔အတူ ရပ္​တည္​မယ္​။ ျမန္​မာအစိုးရ အင္​အား ျပန္​႐ွိလာမယ္​။

ျမန္​မာအစိုးရဟာ မင္​း​ေကာင္​းမင္​းျမတ္​ ဟုတ္​မဟုတ္​ကို သိသာႏိုင္​တဲ့ အျဖစ္​အပ်က္​​ေတြ ​ေန႔စဥ္​နဲ႔အမ်ွ ျဖစ္​ပ်က္​​ေနတယ္​။ မ​ေန႔က ဖားကန္​႔မွာ ႏြံအိုင္​ထဲကို ညဥ္​့အခ်ိန္​မွာ ျမဳပ္​ဝင္​သြားတဲ့အတြက္​ လူငါးဆယ္​ အနည္​းဆံုး​ေသဆံုးတယ္​ လို႔ ဆိုျကတယ္။ ​ဒီျဖစ္​ရပ္​နဲ႔ပတ္​သက္​လို႔ ျမန္​မာဗဟိုအစိုးရဆီက ဘာအသံတစ္​ခြန္​းမွ မၾကားရ ​ေသးဘူး။ ( အဲသည္​​​ေနရာဟာ ​ေကအိုင္​​ေအ ၾသဇာသက္​​ေရာက္​တဲ့​ေနရာပင္​ျဖစ္​​ေစကာမူ ျမန္​မာအစိုးရကို အခြန္​​ေဆာင္​ၿပီး အလုပ္​လုပ္​​ေနၾကတဲ့​ေနရာ ျမန္​မာအစိုးရမင္​းရဲ႕ ပိုင္​နက္​​ေနရာ ျဖစ္​တယ္​။)

ရခိုင္က ‘၀’ လို ျဖစ္ခ်င္တယ္ လို႔ ေျပာထားတယ္။ ရခိုင္က ‘၀’ လို ျဖစ္လာတဲ့တစ္ေန႔ သို႔တည္းမဟုတ္ ရခိုင္က ‘၀’ လို ျဖစ္ဖို႔ လမ္းေၾကာင္းေပၚကို ေရာက္လာတဲ့တစ္ေန႔မွာ ရခိုင္ နဲ႔ ‘၀’ အျပင္ ေနာက္ထပ္ အင္အားႀကီးတဲ့ သေဘာတူမွ်တဲ့ အဖြဲ႔တစ္​ဖြဲ႔နဲ႔ ပူး​ေပါင္​းဦး​ေဆာင္​ၿပီး​ေတာ့ – ကဲ ဧရာဝတီျမစ္​တ​စ္​​ေၾကာက လူ​ေတြ​ေတာ့ ထားလိုက္​ပါ​ေတာ့ကြာ၊ သူတို႔ကို ခ်န္​ထားၿပီး က်န္​တဲ့ ငါတို႔အားလံုး ဖက္​ဒရယ္​ျပည္​​ေထာင္​စု စစ္​စစ္​တည္​​ေထာင္​ၾကစို႔ လို႔ ​ေျပာလာၾကမဲ့ ျဖစ္​အင္​ကို မ်က္​စိထဲမွာ ျမင္​​ေယာင္​ၾကည္​့မိၾကပါရဲ႕လား။

လူ​ေတြဟာ မင္​းက်င္​့တရားနဲ႔ ညီတဲ့ ျပည္​​ေထာင္​စု စစ္​စစ္​ကိုသာ အလို႐ွိၾကပါတယ္​။

မင္​းက်င္​့တရားနဲ႔ ညီမညီ စမ္​းသပ္​ႏိုင္​တဲ့ စမ္​းသပ္​ခ်က္​တစ္​ရပ္​ကို ​ေျပာျပၾကည္​့ပါမယ္​။ ရခုိင္​စစ္​မ်က္​ႏွာ အႏွံ႔အျပားမွာ ရြာထဲမွာ သူပုန္​႐ွိလို႔ သူပုန္​က ရြာထဲကပစ္​လို႔ ပစ္​ရပါတယ္​ ဆိုတဲ့ ပစ္​ခတ္​မႈ​ေတြ​ေၾကာင္​့ အျပစ္​မဲ့ အရပ္​သား​ေတြ ​ေသဆံုးမႈ​ေတြအ​ေၾကာင္​း အမ်ား သိၿပီးျဖစ္​ပါတယ္​။ အဲသည္​ဇာတ္​လမ္​းအဆင္​ (narrative) ကို ျမန္​မာတပ္​ဘက္​က ဘယ္​​ေလာက္​​ေျပာ​ေျပာ ကာယကံ႐ွင္​မိသားစု​ေတြ​ ရြာသား​ေတြ​ေျပာတာနဲ႔ ကြဲလြဲ​ေနတာကိုလည္း ​အမ်ားသိၿပီး ျဖစ္​ပါတယ္​။

အရပ္​သား​ေတြ ​ေျပာတဲ့အတိုင္​းသာ ျမန္​မာတပ္​က တိုက္​ပြဲအတု ဖန္​တီးၿပီး တမင္​သက္​သက္​ ပစ္​ခတ္​တဲ့အတြက္​ ​ေသဆံုးၾကတာ မွန္​တယ္​လို႔ ကာယကံ႐ွင္​မိသားစု​ေတြက အခိုင္​အမာ ခံယူၾက တယ္ဆို​ရင္​ – ႏိုင္​ငံရဲ႕ “မင္​း” ျဖစ္​တဲ့ ႏိုင္​ငံ​ေတာ္​သမၼတ ထံကို ျဖစ္​​ေၾကာင္​းကုန္​စင္​ အ​ေသးစိတ္​ အတိအက် ​ေရးသားၿပီး တရားမ်ွတမႈရဖို႔ တိုင္​ၾကားသင္​့ပါတယ္​။

“စစ္​သူႀကီး” ျဖစ္​တဲ့ တပ္​မ​ေတာ္​ကာကြယ္​​ေရး ဦးခ်ဳပ္​ထံကို ​ေရးသားတိုင္​ၾကားဖို႔ မဟုတ္​ပါ။ တရားဝင္​သ​ေဘာအရ “မင္​း” ​ေနရာမွာမ႐ွိတဲ့ ႏိုင္​ငံ​ေတာ္​၏ အတိုင္​ပင္​ခံပုဂၢိဳလ္​ထံကို ​ေရးသားတိုင္​ၾကားဖို႔မဟုတ္​ပါ။ ဖြဲ႔စည္​းပံုအရ အခ်ဳပ္​အခ်ာအာဏာကို ကိုယ္​စားျပဳထားတဲ့ ျမန္​မာႏိုင္​ငံ​ေတာ္​ သမၼတ ထံ ​ေရးသားတိုင္​ၾကားရမွာ ျဖစ္​ပါတယ္​။

​ေတာသူ​ေတာင္​သားမိသားစု​ေတြ ​ေရးသားမယ့္ စ​ာ​ေတြကို စနစ္​တက်ျဖစ္​​ေအာင္​ အနီအနား ပညာတတ္​​ေတြက ဝိုင္​းဝန္​းကူညီၾက​ေစလိုပါတယ္​။

ဒီစာတစ္​​ေစာင္​ခ်င္​းဟာ ျမန္​မာႏိုင္​ငံ​ေတာ္​သမၼတထံကို လိပ္​မူထားတာ ျဖစ္​​ေပမယ္​့ ျမန္​မာႏိုင္​ငံရဲ႕”မင္​း” က တာဝန္​ယူ​ေဆာင္​ရြက္​မႈ မလုပ္​​ေဆာင္​တဲ့အခါ ျမန္​မာႏိုင္​ငံရဲ႕ စုစည္​းျဖစ္​တည္​မႈကို (စာကို ပစ္​ထားတဲ့ စားပြဲ​ေပၚက​ေန – ထိုးထည္​့ထားတဲ့ ဘီဒိုထဲက​ေန – ) အခ်ိန္​နဲ႔ အမ်ွ​ေမးခြန္​းထုတ္​​ေနပါလိမ္​့မယ္​။ စာတစ္​​ေစာင္​ခ်င္​းက တြန္​းအားနည္​း​ေန​ေသး​ေပမယ္​့ မိသားစု​ေပါင္​းမ်ားစြာက စာ​ေတြ ​ေရာက္​လာတဲ့အခါ ဖိစီးလာပါလိမ္​့မယ္​။

မင္​း​ေကာင္​းမင္​းျမတ္​နဲ႔ အုပ္​ခ်ဳပ္​တဲ့ ႏိုင္​ငံ ဟုတ္​မဟုတ္​ ကို ဒီစာ​ေတြဟာ သမၼတကတစ္​ဆင္​့ ျမန္​မာႏိုင္​ငံကို ​ေမးခြန္​းထုတ္​​ေနၾကပါလိမ္​့မယ္​။ ျမန္​မာႏိုင္​ငံရဲ႕ တရားဝင္​ စုစည္​းရပ္​တည္​မႈ ကိုလည္​းပဲ ​ေမးခြန္​းထုတ္​​ေနၾကပါလိမ္​့မယ္​။

ဦး​ေက်ာ္​​ေဇာဦး
ရခိုင္​ျပည္​နယ္​လႊ​တ္​​ေတာ္​ကိုယ္​စားလွယ္​
စစ္​​ေတြၿမိဳ႕နယ္​ မဲဆႏၵနယ္​ အမွတ္​ (၂)
၂၀၁၉ ဧၿပီလ (၂၄) ရက္

*****************************************

“မင်းကောင်းမင်းမြတ်” တည်း ဟူသော အယူအဆ

written by Kyaw Zaw Oo

မြောက်ဦး လက္ကာရွာထဲက လူ (၂၇) ဦးကို ၂၀၁၉ ဧပြီလ (၁၀) ရက်နေ့က ရွာထဲဝင်မွှေပြီး ဖမ်းခေါ်သွားတယ်။ ဖမ်းခေါ်သွားပြီး ရက်နှစ်ဆယ် မပြည့်ခင်မှာ အဖမ်းခံရသူတွေထဲက သုံးဦးသေသွားပြီ လို့ ရာခိုင်နှုန်း တော်တော်များများ ခိုင်မာတဲ့ သတင်းတွေကြားသိနေရတယ်။

လက္ကာရွာထဲက ဝင်ဖမ်းသွားတာခံရတဲ့ လက်နက်မဲ့လူ (၂၇) ဦး ဟာ အေအေတပ်ဖွဲ့ဝင်တွေဖြစ်နေစေဦး၊ သူတို့ဟာ အကျဉ်းသားအခွင့်အရေးကို ရကိုရ ရပါမယ်။ သူတို့ကို နှိပ်စက်ပိုင်ခွင့် လုံးဝမရှိပါဘူး။ အယုတ်စွဆုံး သန့်ရှင်းတဲ့ သောက်သုံးရေ ရပိုင်ခွင့်ကိုတောင် ဖမ်းချုပ်ထားသူတွေက ငြင်းပယ်ခွင့်မရှိပါဘူး။

ငါတို့ဖမ်းပြီး လုပ်ချင်တာလုပ်တယ်၊ မင်းတို့ဘာပြောချင်သလဲ ဆိုတဲ့ လက်ရှိမြန်မာပြည်က ပေါများလှစွာသော ပညာမဲ့တွေပြောတဲ့စကားမျိုးကို တာဝန်ရှိသူတွေက (တရားမဝင်/off the record) ပြောကောင်းပြောနိုင်ပါတယ်။ ငါတို့ ဒီလို လုပ်နိုင် ပြောနိုင်တဲ့ အင်အားရှိလို့ ပြောတာ လုပ်တာ လို့ ဆိုကောင်း ဆိုနိုင်ပါတယ်။ ဒါပေမဲ့ ဒီလိုမျိုး စိတ်ကူးခြင်း ပြောဆိုခြင်း လုပ်ကိုင်ခြင်းများမှာ မလွဲမရှောင်သာတဲ့ အကျိုးသက်ရောက်မှုတွေရှိလာမှာ ဖြစ်ပါတယ်။ ဒီလို အကျိုးသက်ရောက်မှုတွေရှိလာမှာမို့လို့ သူပုန်ဖြစ်စေ အစိုးရ လက်နက်ကိုင်တွေဖြစ်စေ ဂျီနီဗာကွန်ဗန်းရှင်းတွေကို လိုက်နာကြဖို့ ကျွန်တော် နှိုးဆော်နေတာဖြစ်ပါတယ်။

မြန်မာနိုင်ငံလို့ လက်ရှိခေါ်နေကြတဲ့ နယ်မြေမှာ ဟိုးတစ်ချိန်တုန်းက မြို့ပြနိုင်ငံတွေ၊ ဘုရင့်နိုင်ငံတွေရဲ့ အတက်အကျတွေမှာ မိမိကိုယ်ကို အင်အားကြီးအောင် ထိန်းသိမ်းထားဖို့ဆိုရင် မိမိဟာ ပိုင်နက်နယ်မြေတွေကို တရားသဖြင့် အုပ်ချုပ်တဲ့ မင်းကောင်းမင်းမြတ်ဖြစ်ကြောင်း ဂုဏ်သတင်း သင်းပျံ့နေဖို့ လိုပါတယ်။ တိုင်းပြည်ဖရိုဖရဲ ဖြစ်နေစဉ်ကာလ ရခိုင်၊ ဗမာ၊ တလိုင်း လူဦးရေတွေနဲ့ တောင်ငူကို မင်းကြီးညို စတင်တည်ထောင်ပြီး များမကြာခင်မှာ လူတွေ တစတစနဲ့ စုဝေးရောက်ရှိလာပြီး အင်အားကြီးလာတာဟာ မင်းကောင်းမင်းမြတ် ဆိုတဲ့ ဂုဏ်သတင်းကို ဆောင်နိုင်လို့ ဖြစ်ပါတယ်။

ရခိုင်ဘုရင် မင်းရာဇာကြီး အနောက်ဖက်ကို ချီတဲ့ စစ်ဆင်ရေးကြီးမှာ မင်းရာဇာကြီးကို ဥပါတံမျဉ်နဲ့ လှည့်ဖျားပြောဆိုပြီး ရခိုင်ရေတပ်အပါအဝင် ရေကြောင်းချီတပ်ဖွဲ့ကို သူဦးဆောင်မယ်လို့ ဆိုပြီးသကာလ ဆန်းဒ်ဝိချ် ကျွန်းရှင် တီဘာအို ဟာ သူ့လက်အောက်က ပေါ်တူဂီတပ်မှူးတွေနဲ့ ရှိရှိသမျှ ရခိုင်ရေတပ်က တပ်မှူးတွေ ပညာသည်တွေကို စားသောက်ပွဲကြီး ခေါ်ကျွေးပြီး အဲသည်မှာ ရခိုင်စစ်သည်အားလုံးကို ဖမ်းဆီးကာ သတ်ပစ်လိုက်ဖူးတယ်။ ဘယ်လောက်အထိ ထိခိုက်သွားသလဲဆိုရင် – ဘင်္ဂလားပင်လယ်အော်မှာ ဘယ်သူလာလာကြောက်ရပါတယ် ဆိုတဲ့ ရခိုင်ရေတပ်ကို ပြန်လည်ထူထောင်ဖို့ ကျွမ်းကျင်သူတစ်ဦးတလေတောင် မကျန်တော့တဲ့ အဆင့်ဖြစ်သွားတယ်။ အဲဒီအချိန်က စပြီး ရခိုင်ရေတပ် နလံမထူတော့တာ ဖြစ်တယ်။ အဓိက ရည်စူးပြောချင်တာက အင်မတန်မှ ခက်ထန်ကြမ်းကြုတ်တယ်လို့ နံမည်ကြီးတဲ့ လက်အောက်ငယ်သားတွေကို တောင် ညှာတာမှုကင်းမဲ့တဲ့ တီဘာအို ရဲ့ ဇာတ်သိမ်းခန်းကို ရှာဖတ်ကြည့်ပါ။ လက်အောက်ငယ်သားတွေကို တောင်းပန်တာတောင်မှ လက်မခံဘဲ တပည့်တွေ စွန့်ခွာသွားကြတဲ့အတွက် အင်အားမရှိသလောက်ပြန်ဖြစ်သွားပြီး မရှုမလှ ဇာတ်သိမ်းရတယ်။

ပြောချင်တဲ့ သင်ခန်းစာက – မင်းကျင့်တရားတဲ့ ညီညွတ်တယ် လို့ သတင်းကြီးတဲ့ အစုအဖွဲ့ဟာ အင်အားကြီးလာမယ်။ မင်းကျင့်တရားနဲ့ မညီညွတ်ဘူးလို့ သတင်းထွက်တဲ့အဖွဲ့ဟာ အင်အားနည်းလာမယ်။

အေအေ ဟာ မင်းကောင်းမင်းမြတ် တရားတွေနဲ့ ညီညွတ်တယ်လို့ ယူဆကြရင် အေအေကိုသွားဝင်ကြမယ်။ တိုင်းရင်းသား မဟာမိတ်တွေက အေအေနဲ့လက်တွဲမယ်။ အေအေ အင်အားကြ်ီးလာမယ်။ မြန်မာအစိုးရဟာ မင်းကောင်းမင်းမြတ် ဖြစ်တယ်လို့ ယူဆရင် လူတွေက မြန်မာ အစိုးရနဲ့အတူ ရပ်တည်မယ်။ မြန်မာအစိုးရ အင်အား ပြန်ရှိလာမယ်။

မြန်မာအစိုးရဟာ မင်းကောင်းမင်းမြတ် ဟုတ်မဟုတ်ကို သိသာနိုင်တဲ့ အဖြစ်အပျက်တွေ နေ့စဉ်နဲ့အမျှ ဖြစ်ပျက်နေတယ်။ မနေ့က ဖားကန့်မှာ နွံအိုင်ထဲကို ညဉ့်အချိန်မှာ မြုပ်ဝင်သွားတဲ့အတွက် လူငါးဆယ် အနည်းဆုံးသေဆုံးတယ် လို့ ဆိုကြတယ်။ ဒီဖြစ်ရပ်နဲ့ပတ်သက်လို့ မြန်မာဗဟိုအစိုးရဆီက ဘာအသံတစ်ခွန်းမှ မကြားရ သေးဘူး။ ( အဲသည်နေရာဟာ ကေအိုင်အေ သြဇာသက်ရောက်တဲ့နေရာပင်ဖြစ်စေကာမူ မြန်မာအစိုးရကို အခွန်ဆောင်ပြီး အလုပ်လုပ်နေကြတဲ့နေရာ မြန်မာအစိုးရမင်းရဲ့ ပိုင်နက်နေရာ ဖြစ်တယ်။)

ရခိုင်က ‘၀’ လို ဖြစ်ချင်တယ် လို့ ပြောထားတယ်။ ရခိုင်က ‘၀’ လို ဖြစ်လာတဲ့တစ်နေ့ သို့တည်းမဟုတ် ရခိုင်က ‘၀’ လို ဖြစ်ဖို့ လမ်းကြောင်းပေါ်ကို ရောက်လာတဲ့တစ်နေ့မှာ ရခိုင် နဲ့ ‘၀’ အပြင် နောက်ထပ် အင်အားကြီးတဲ့ သဘောတူမျှတဲ့ အဖွဲ့တစ်ဖွဲ့နဲ့ ပူးပေါင်းဦးဆောင်ပြီးတော့ – ကဲ ဧရာဝတီမြစ်တစ်ကြောက လူတွေတော့ ထားလိုက်ပါတော့ကွာ၊ သူတို့ကို ချန်ထားပြီး ကျန်တဲ့ ငါတို့အားလုံး ဖက်ဒရယ်ပြည်ထောင်စု စစ်စစ်တည်ထောင်ကြစို့ လို့ ပြောလာကြမဲ့ ဖြစ်အင်ကို မျက်စိထဲမှာ မြင်ယောင်ကြည့်မိကြပါရဲ့လား။

လူတွေဟာ မင်းကျင့်တရားနဲ့ ညီတဲ့ ပြည်ထောင်စု စစ်စစ်ကိုသာ အလိုရှိကြပါတယ်။

မင်းကျင့်တရားနဲ့ ညီမညီ စမ်းသပ်နိုင်တဲ့ စမ်းသပ်ချက်တစ်ရပ်ကို ပြောပြကြည့်ပါမယ်။ ရခိုင်စစ်မျက်နှာ အနှံ့အပြားမှာ ရွာထဲမှာ သူပုန်ရှိလို့ သူပုန်က ရွာထဲကပစ်လို့ ပစ်ရပါတယ် ဆိုတဲ့ ပစ်ခတ်မှုတွေကြောင့် အပြစ်မဲ့ အရပ်သားတွေ သေဆုံးမှုတွေအကြောင်း အများ သိပြီးဖြစ်ပါတယ်။ အဲသည်ဇာတ်လမ်းအဆင် (narrative) ကို မြန်မာတပ်ဘက်က ဘယ်လောက်ပြောပြော ကာယကံရှင်မိသားစုတွေ ရွာသားတွေပြောတာနဲ့ ကွဲလွဲနေတာကိုလည်း အများသိပြီး ဖြစ်ပါတယ်။

အရပ်သားတွေ ပြောတဲ့အတိုင်းသာ မြန်မာတပ်က တိုက်ပွဲအတု ဖန်တီးပြီး တမင်သက်သက် ပစ်ခတ်တဲ့အတွက် သေဆုံးကြတာ မှန်တယ်လို့ ကာယကံရှင်မိသားစုတွေက အခိုင်အမာ ခံယူကြ တယ်ဆိုရင် – နိုင်ငံရဲ့ “မင်း” ဖြစ်တဲ့ နိုင်ငံတော်သမ္မတ ထံကို ဖြစ်ကြောင်းကုန်စင် အသေးစိတ် အတိအကျ ရေးသားပြီး တရားမျှတမှုရဖို့ တိုင်ကြားသင့်ပါတယ်။

“စစ်သူကြီး” ဖြစ်တဲ့ တပ်မတော်ကာကွယ်ရေး ဦးချုပ်ထံကို ရေးသားတိုင်ကြားဖို့ မဟုတ်ပါ။ တရားဝင်သဘောအရ “မင်း” နေရာမှာမရှိတဲ့ နိုင်ငံတော်၏ အတိုင်ပင်ခံပုဂ္ဂိုလ်ထံကို ရေးသားတိုင်ကြားဖို့မဟုတ်ပါ။ ဖွဲ့စည်းပုံအရ အချုပ်အချာအာဏာကို ကိုယ်စားပြုထားတဲ့ မြန်မာနိုင်ငံတော် သမ္မတ ထံ ရေးသားတိုင်ကြားရမှာ ဖြစ်ပါတယ်။

တောသူတောင်သားမိသားစုတွေ ရေးသားမယ့် စာတွေကို စနစ်တကျဖြစ်အောင် အနီအနား ပညာတတ်တွေက ဝိုင်းဝန်းကူညီကြစေလိုပါတယ်။

ဒီစာတစ်စောင်ချင်းဟာ မြန်မာနိုင်ငံတော်သမ္မတထံကို လိပ်မူထားတာ ဖြစ်ပေမယ့် မြန်မာနိုင်ငံရဲ့”မင်း” က တာဝန်ယူဆောင်ရွက်မှု မလုပ်ဆောင်တဲ့အခါ မြန်မာနိုင်ငံရဲ့ စုစည်းဖြစ်တည်မှုကို (စာကို ပစ်ထားတဲ့ စားပွဲပေါ်ကနေ – ထိုးထည့်ထားတဲ့ ဘီဒိုထဲကနေ – ) အချိန်နဲ့ အမျှမေးခွန်းထုတ်နေပါလိမ့်မယ်။ စာတစ်စောင်ချင်းက တွန်းအားနည်းနေသေးပေမယ့် မိသားစုပေါင်းများစွာက စာတွေ ရောက်လာတဲ့အခါ ဖိစီးလာပါလိမ့်မယ်။

မင်းကောင်းမင်းမြတ်နဲ့ အုပ်ချုပ်တဲ့ နိုင်ငံ ဟုတ်မဟုတ် ကို ဒီစာတွေဟာ သမ္မတကတစ်ဆင့် မြန်မာနိုင်ငံကို မေးခွန်းထုတ်နေကြပါလိမ့်မယ်။ မြန်မာနိုင်ငံရဲ့ တရားဝင် စုစည်းရပ်တည်မှု ကိုလည်းပဲ မေးခွန်းထုတ်နေကြပါလိမ့်မယ်။

ဦးကျော်ဇောဦး
ရခိုင်ပြည်နယ်လွှတ်တော်ကိုယ်စားလှယ်
စစ်တွေမြို့နယ် မဲဆန္ဒနယ် အမှတ် (၂)
၂၀၁၉ ဧပြီလ (၂၄) ရက်

****************************************