================================

အဘိဓမ္မာ အခါ​တော်​​နေ့မှာ ​ရေးတဲ့ စာစု

စိတ်​၊ ရုပ်​ အစရှိတဲ့ သ​ဘေ​ာ​တွေ ဖြစ်​ပျက်​မှု၊ သံသရာမှာလည်​​စေတဲ့ အ​ကြောင်​းဖြစ်​​စေမှု စတဲ့ အ​ကြောင်​းအရာ​တွေကို အနုလုံပဋိလုံ ဆင်​ခြင်​ သုံးသပ်​ရာဖြစ်​တဲ့ အဘိဓမ္မာကို ဗုဒ္ဓဟာ မိခင်​​တော်​စပ်​ဖူးသူအပါအဝင်​ နတ်​အ​ပေါင်​းတို့ကို ဝါတွင်​း သုံးလပတ်​လုံး ​ဟော​ပြောပြီး​နောက်​ သီတင်​းကျွတ်​လပြည်​့​နေ့မှာ လူ့ပြည်​ကို ဆင်​းသက်​လာခဲ့ကြတယ်​လို့ အစဉ်​အလာ ယုံကြည်​ကြပါတယ်​။

အဘိဓမ္မာမူ နှစ်​ရပ်​မှာ လက်​ရှိ ​ထေရဝါဒက လက်​ခံကျင်​့သုံးတဲ့ အဘိဓမ္မာမူကိုပဲ ​လေ့လာခြင်​း တရားသ​ဘောဆင်​ခြင်​ရာတွင်​ လက်​​တွေ့ အသုံးချခြင်​းတို့ ပြု​နေကြဆဲဖြစ်​ပါတယ်​။

​ခေတ်​သစ်​ပညာရှင်​အချို့က​တော့ အဘိဓမ္မာ ဟာ ဗုဒ္ဓ​ဟော​ပြောခဲ့တာမဟုတ်​ဘဲ မြတ်​စွာဘုရား​ဟောကြားခဲ့သမျှတရား​တော်​​တွေကို ရှင်​သာရိပုတ္တရာ ဦး​ဆောင်​ပြီး သံဃာ​တွေစုဖွဲ့ ​ဆွေး​နွေးကြမှု​တွေဟာ နှစ်​​ပေါင်​း​ထောင်​ချီကြာလာတဲ့ အခါ အဘိဓမ္မာရယ်​လို့ ပုံ​ပေါ်လာတာ ဖြစ်​တယ်​လို့ ဆိုကြတယ်​။

​ပျောက်​ကွယ်​လုဆဲဆဲ (သို့မဟုတ်​) ကွယ်​​ပျောက်​ပြီး အဘိဓမ္မာမူဖြစ်​တဲ့ ကတ်​ရှမီးယား အဘိဓမ္မာမူက​တော့ အဘိဓမ္မာဟာ ဘုရား​ဟောမဟုတ်​၊ ဘုရား​ဟောတရား​တွေကို နှစ်​​ပေါင်​းများစွာ ​ေ​ဆွးနွေးသုံးသပ်​ချက်​ကတစ်​ဆင်​့ အနှစ်​ချုပ်​ရယူထားတာလို့ ​ကြေငြာရပ်​တည်​ခဲ့တာ ဖြစ်​ပါတယ်​။

ဒီ​လောကကြီးရဲ့ အစပထမ ဟာ ဘာလဲဆိုတာကို ဗုဒ္ဓက ဘာမှဘာမှမ​ပြောခဲ့၊ မှတ်ချက်မ​​ပေးခဲ့။ ဗုဒ္ဓသည်​သာလျှင်​ ဒီ​လောကကြီးရဲ့ အစစ်​အမှန်​သ​ဘောသဘာဝကို နားလည်​သ​ဘော​ပေါက်​တဲ့ တစ်​ဦးတည်​း​သော ဆရာသမားဖြစ်​တယ်​ လို့ ကျွန်​​တော်​​လေးစားတဲ့ ​တွေး​ခေါ်ရှင်​ ဘာထရန်​ ရပ်​ဆယ်​က ဆိုပါတယ်​။

“The fundamental teachings of Gautama, as it is now being made plain to us by the study of original sources, is clear and simple and in the closest harmony with modern ideas. It is beyond all disputes the achievement of one of the most penetrating intelligences the world has ever known.”

“မူလရင်​းမြစ်​ကျမ်​းစာ​ (original sources) ​တွေကို ​လေ့လာခြင်​းအားဖြင်​့ ကျွန်​​တော်​တို့ ရှင်​းရှင်​းလင်​းလင်​း သိရှိလာရတဲ့ ဗုဒ္ဓ​ဂေါတမရဲ့ အ​​ခြေခံသင်​ကြားချက်​​တွေဟာ ရှင်​းလင်​းတယ်​၊ ရှုပ်​​ထွေးမှုမရှိဘူး၊ ​မျက်​​မှောက်​​ခေတ်​ ​တွေး​ခေါ်​မြော်​မြင်​သိကြံမှု​တွေနဲ့လည်​း သဟဇာတအကျဆုံးဖြစ်​တယ်​။ (ဗုဒ္ဓရဲ့ သင်​ကြားချက်​​တွေဟာ) ကမ္ဘာကြီးက သိရှိဖူးသမျှ အစူးရှအထက်​မြက်​ဆုံး အသိဉာဏ်​​တွေထဲက တစ်​ခုရဲ့ ​အောင်​မြင်​​ပေါက်​​မြောက်​မှုဖြစ်​တယ်​ ဆိုတာ အငြင်​းပွားဖွယ်​ရာ လုံးဝမရှိပါဘူး” လို့ ဘာထရန်​ရပ်​ဆယ်​က ဆိုခဲ့တယ်​။

​ကျော်​​ဇောဦး
၂၀၁၉ ​အောက်​တိုဘာလ (၁၃) ရက်