လူမျိုးတုန်းသတ်ဖြတ်မှု ကန်သတ်မှတ်ချက် ဘင်္ဂလားဒေ့ရ်ှ ကြိုဆို – ဟူ၍ မကြာသေးမီက သတင်း ဖတ်ရပါသည်။
မြန်မာနိုင်ငံအရေး၊ အထူးသဖြင့် ရခိုင်လူမျိုးများအရေးကို ချဉ်းကပ်ရာ၌ ဘင်္ဂလားဒေ့ရ်ှသည် ရေရှည်ဆန်သည်၊ စနစ်ကျသည်၊ ညင်သာစွာ အကွက်ရွေ့နိုင်သည်။
ဘင်္ဂလားဒေ့ရ်ှသည် လူမျိုးနာမည် အသစ်တီထွင်မှု နှစ်ရပ်စလုံးနှင့် အနည်းနှင့်အများဆိုသလို ပတ်သက်ကြောင်း သံသယ ဖြစ်ဖွယ်ရာရှိသည်ကို ငြင်းဆိုရန်ခက်သည်။ ထိုနာမည် နှစ်ခုစလုံး ရခိုင်လူမျိုးတို့နှင့် ယှက်နွယ်နေသည်။
တစ်ခုမှာ ဘင်္ဂလာထဲကနာမည်သစ် ဖြစ်ပြီး၊ နောက်တစ်ခုမှာ ရခိုင်ပြည်တွင်းအခြေပြု နာမည်သစ်ဖြစ်သည်။
မော့်ဂ်များကို ခွဲခြမ်းလျက် ရခိုင်တစ်မျိုး မရမာတစ်မျိုး နှစ်မျိုးဖြစ်အောင်ခွဲထုတ်ခြင်းတွင် ဘင်္ဂလားဒေ့ရ်ှအစိုးရသည် ကြီးမားသော အခန်းကဏ္ဍ မှ ပါဝင်ခဲ့သည်။ (“မရမာ” သည် နာမည်အသစ်ဖြစ်သည်)။
ယူကရိန်းအရေး အရေးပေါ် (နိုင်ငံတကာ)အုပ်စုဖွဲ့မှုများ လိုအပ်နေသည့် လက်ရှိ အခြေအနေတွင် ရခိုင်တွင်ဖြစ်ပျက်ခဲ့မှုအား ဂျန်နိုဆိုက် ဖြစ်သည် ဟု အမေရိကန်က လက်မြန်ခြေမြန် လက်လွတ်စံပယ်ကြေငြာခြင်း ၏ နောက်ဆက်တွဲတို့၌ ရခိုင်လူထုသဘောထားကို ပမာမထားဘဲ ဇွတ်တရွတ်ခြေလှမ်းများ ဖြစ်လာနိုင်ခြေရှိမှုကို မျှော်လင့်ထားကြရမည် ဖြစ်လေသည်။
မည်သို့ပင်ဆိုစေ ဘင်္ဂလားဒေ့ရ်ှအနေဖြင့် အိမ်နီးချင်းရခိုင်လူထုအား အပြန်အလှန်အကျိုးပြုကြသည့် အနေအထားအဖြစ်ရှိလာမည်ကိုသာ ရခိုင်လူထုတို့က မျှော်လင့်ကြမည်သာ ဖြစ်လေသည်။
KZO
၂၀၂၂-ခု မတ်လ (၂၄) ရက်
–
Kyaw Zaw Oo's Blog 