လူမျိုးနာမည်လိမ် လက်ခံမှုနှင့် ပြည်နယ်တစ်ခုချင်းသဘောထား

နောက်နောင်များမှာ – BPLA လို ဗမာပြည်နယ်ဖွဲ့စည်းရေးကို လိုလားလက်ခံတဲ့ အင်အားစုတွေကိုသာလျှင် ဗမာမဟုတ်သော non-Burmese အင်အားစုတွေက တဖြည်းဖြည်း နေရာပေး accomodate လုပ်လာကြမှာ ဖြစ်ပါတယ်။

အဆုံးသတ်မတော့ ကိုယ့်ပြည်နယ်အရေးကိုကိုယ် အများကြီးစီမံပြီး ကိုယ့်အရေးကို ပြင်ပက အများသူငါ ဝင်ပြောလို့မရတဲ့ အနေအထားတစ်ရပ်ကို တဖြည်းဖြည်းရွေ့လာမှာဖြစ်ပါတယ်။ အဲဒါနဲ့ တပြိုင်နက်တည်းမှာ ကိုယ့်ဒုက္ခ ကိုယ်ရှင်းရတဲ့ အနေအထားတွေရှိလာကြမှာဖြစ်ပါတယ်။

ပြည်နယ်တစ်ခုချင်းရင်ဆိုင်ရမယ့် ဒုက္ခတွေထဲကတခုကတော့ လူမျိုးနာမည်လိမ်ကိစ္စဖြစ်ပါတယ်။ အဲသည် နာမည်လိမ်ကို အခုထောက်ခံလိုက်ရင် လောလောဆယ် ငါတို့အကျိုးခံစားခွင့်ရမယ် ဒုက္ခရောက်မှာ ရခိုင်တွေပဲ ဒုက္ခရောက်မှာ ဆိုပြီး ရှေ့ရေးကို လှမ်းမျှော်မကြည့်ကြတဲ့ (မြန်မာပြည်အနှံ့က လက်နက်ကိုင် နဲ့ လက်နက်မကိုင်) နိုင်ငံရေးသမားတွေ ပေါ်လစီပိုင်းအသေအချာ စိစစ်သုံးသပ်ကြဖို့လိုအပ်ပါတယ်။

အဲသည်အခါကျမှ ဒီအရေးဟာငါတို့ပြည်နယ်အရေး ဖြစ်နေပါပေါ့လားလို့ ငို့ချင်းချရကံ ကြုံကောင်းကြုံလာနိုင်ဖွယ်ရှိပါတယ်။ (ဟာ . . . ဖြစ်နိုင်စရာမရှိဘူး၊ အဲသည်ကိစ္စနဲ့ ကျုပ်တို့နဲ့က အဝေးကြီးပဲ ဆိုသူတွေနဲ့ကျတော့ အံ့အားသင့်စရာတွေ ဖြစ်လာတဲ့အခါကျမှ စကားဆက်ပြောလို့ရပါမယ်။)

ဒီအရေးနဲ့ပတ်သက်ရင် ကျောက်တုံးတစ်တုံးချင်းကို လှန်ကြည့်စရာမလိုဘဲ အောက်မှာ ဘာရှိတယ် ဆိုတာကို ကျွန်တော်တို့ဘက်ကလူတွေက သိကြပါတယ်။ အဲသလို “ကျောက်တုံးတစ်တုံးချင်းအောက်မှာ ဘာရှိသလဲ လို့ သိနေတာ” ကို အစွန်းရောက်တယ်လို့ စွပ်စွဲကြပါလိမ့်မယ်။

KZO
2022 April 18