(The Mog Nation Wiki, an archive)
မိတ်တာရီတပေါက်လောက် လောင်းချင်ပါရေ
Social cohesion ကို မူဆလင် အများစုဟိရေ OIC နိုင်ငံတိမှာ တခါလေး မလုပ်ဘဲ မူဆလင် လူနည်းစု ဟိရေ နိုင်ငံတိမာရာ social cohesion လုပ်ဖို့အရေးကို OIC ဘက်က (နိုင်ငံရေးအရနန့် အခြားလမ်းကြောင်းတိက တဆင့်) ကြိုးပမ်းကတ်တေ။ (ကျဉ်းနီရေ space ကို ချဲ့နိုင်ဖို့ရည်ရွယ်စွာ ဖြစ်ပါရေ။)
နောက်တချက်က အခြားဇာဘာသာရေးအုပ်စု လူမျိုးရေး အုပ်စုကိုမှ social cohesion လုပ်ပီးဖို့ မလို၊ ယင်းအုပ်စု တစုနန့် ပတ်သက်လို့ရာ ကမ္ဘာအရပ်ရပ်မှာ social cohesion လုပ်ဖို့ လိုစွာကို တွိ့ရရေ။ အကြမ်းဖျင်း ပြောစွာပယေ။
နိုင်ငံရေး pressure ဟိရေအတွက်နန့် ကမ္ဘာ အရပ်ရပ်က နိုင်ငံရီးသမားတိ နန့် သံတမန်တိစွာ ယင်းအကြောင်းအရာကို ရှောင်လို့ စကားပြောကတ်တေ။ လီကွန်ယူးတောင်မှ နိုင်ငံရီးသမား ဘဝ က အနားယူပြီးခါမှရာ “ယင်းအုပ်စု” မှာ အပြစ်အနာအဆာ ဟိနိန်ရေ လို့ ဝေဖန်စွာ ဖြစ်တေ။
ပေါက်စချေတိ ထောင်သောင်းချီလို့ နိန့်စိုင်သင်ကြားနိန်ရေ မဒရာဆာ ပညာရီးမှာ အမုန်းစကားတိပါမပါ မစိစစ်နိုင်ဘဲနန့် . . . အေ(မိမိရို့)တဘက်ခြမ်းမှာရာ ဖိလုပ်နိန်ကတ်ကေ social cohesion စွာ ဇာနန့် တူလေးဆိုကေ – ၁၉၄၂ မှာ ဗိုလ်ရန်အောင်စွာ ငြိမ်းချမ်းရီးအတွက် ရခိုင်တဘက်တည်းက လက်နက်တိကို ဖြုတ်သိမ်းပလိုက်တေအတွက် ဘူးသီးတောင်မောင်တော က ရခိုင်သားတိအားလုံးနီးကပါး အသတ်ခံရစွာ ဖြစ်ရပ်ရှောင် (အကြောင်းခြင်းရာမတူ အတိုင်းအဆမတူ ယေဘုယျ နှိုင်းယှဉ်ခြင်းသာ၊ နှစ်ဘက်ပြိုင်တူလုပ်ဖို့လိုကြောင်း ဆိုလိုရင်းသာ) ကြည့်မြင်လို့ရပါရေ။
လောလောဆယ် တစုနန့်တစု ရန်မရှာ ဆိုကေ လုံလောက်တေ လို့ ထင်မိပါကားယေ။ မိတ်တာရီတပေါက်လောက်လောင်းချင်ပါရေ အဆင့်အထိ လုပ်နိန်စရာမလို လို့ မပြောလိုကေလေ့သော့ အချိန်ကာလ၏ ကုစားမှုတိ အများကြီးလိုသိပိုင်ရှောင်တွိ့ပါရေ။
မနုဿဗေဒအရ နှစ်ပေါင်း ရာစုနန့်ချီမှ ဖြစ်တတ်တေကိစ္စတိကို လတ်တလော ဖြစ်လာစီချင်ရေဇောနန့် တွန်းရေအခါ၊ ဆီးပြင်းလားလို့ ဘေးထွက်ဆိုးကျိုး မဖြစ်ဖို့ သတိထားရဖို့လို့ မြင်ပါရေ။
ယေကေလေးသော့ – ရခိုင်ပြည်ထဲမှာ social cohesion အခုအခံ ရှိလာမှ စစ်တကောင်းနွယ် တသန်းကျော်ကို ရခိုင်ပြည်ထဲ ပြန်ပို့လို့လွယ်လိမ့်မေ ဆိုပြီး OIC နန့် ဘင်္ဂလာက အတွက်အချက် ဟိနီပုံပေါ်ပါရေ။
၁၆/၁ရ-ရာစု ရခိုင်နိုင်ငံတော်ကို one kingdom with two mandalas ဘုရင့်နိုင်ငံတစ်ခု-ရပ်ဝန်းနှစ်ခု စနစ်နန့် အုပ်ချုပ်ခရေ လို့ ဆိုကတ်တေ။ စစ်တကောင်းကို ဗဟိုပြုရေ Banga ဘင်္ဂါရပ်ဝန်းတော့ ဆုံးရှုံးလားပြီးသားဖြစ်တေ။ အခု ရှိ့ကို ဆက်တိုးပြီးကေ မေယုရပ်ဝန်းအတွက် အရင်းအမြစ်တိ ဟိနီရေ လို့ တတိုင်သားက မျက်စိကျနီစွာ ဟိပါရေ။ ပြဿနာက မေယုကို လက်လွှတ်ပီးလိုက်ကေလေး မေယုမှာ မရပ် ဆိုစွာကို မြင်တတ်ကတ်ဖို့လိုပါရေ။
KZO
11th May 2022
–
End Notes and External links
- source: –
The Mog Nation Wiki
Kyaw Zaw Oo
- Kyaw Zaw Oo’s Blog
- Kyaw Zaw Oo | Facebook
- ကျော်ဇောဦး | Facebook
- Kyaw Zaw Oo | Twitter
Kyaw Zaw Oo's Blog 