​မေးခွန်းကြီးနှစ်​ခု

နစက (SAC) က (NUG/PDFs မပါ) EAO များအား ဗိုလ်​ချုပ်​မှူးကြီးမင်း​အောင်​လှိုင်​ ကိုယ်​တိုင်​​တွေ့ဆုံ​ဆွေး​နွေးမည်​ဖြစ်​သည့်အတွက်​ ​မေလ ကိုးရက်​​နေ့​ နောက်​ဆုံးထား စာရင်း​ပေး​စေလို​သည်​ဟု ဧပြီလ ၂၂ ရက်နေ့တွင် ထုတ်​​ဖော်​​ပြောကြားထား​သည်​ကို သိရှိထားကြရပါသည်​။

ပြဿနာများကို အမှန်​တကယ်​​ဖြေရှင်းလိုသည့် စိတ်​​စေတနာအရင်းခံရှိသည်​ဆိုငြားအံ့ – နစက ဘက်​မှ ထိ​တွေ့ဆက်​ဆံရန်​ကြိုးစားရမည့် ကိစ္စကြီးနှစ်​ရပ်​ (သို့မဟုတ်​) ​မေးခွန်းကြီးနှစ်​ရပ်​ရှိနေသည်​။ ကိုကိစ္စနှစ်​ရပ်​ကို အနှစ်​သာရ (substance) အရ ချဉ်းကပ်မှု မရှိပါက အချိန်​များကို နှ​မြောဖို့​ကောင်းသည်​ ဟု သ​ဘော​ပေါက်​တတ်​ရမည်​ ဖြစ်​​လေသည်​။

ထိုအ​ရေးနှစ်​ရပ်​တို့မှာ –

တစ်​။ စစ်​မှန်​​သော ဖက်​ဒရယ်​ပြည်​​ထောင်​စု (သို့) ကွန်​ဖက်​ဒရိတ်​များအစုအ​​ဝေး အဖြစ်​ မည်​ကဲ့သို့ ပုံ​ဖော်​ကြမည်​နည်း ? ဆိုသည့် အချက်​ နှင့် –

နှစ်​။ စစ်​ဘက်​အ​ပေါ် အရပ်​ဘက်​က အမှန်​တကယ်​ ပြည်​သူစစ်​စစ်​ ကိုယ်​စားပြု စနစ်​ဖြင့် စိုးမိုးမှု (objective civilian control of the military) တည်​​ဆောက်​ကြနိုင်​ရန်​အလို့ငှာ စစ်​သားများ နိုင်​ငံ​ရေးမှ မည်​သို့ ထွက်​ခွာမည်​နည်း ဆိုသည့် အ​ရေး တို့ ဖြစ်​ကြသည်​။

အကယ်​၍ ထိုအ​ကြောင်းအရာများကို ထိ​တွေ့မှု မရှိဘဲ အခြားအ​ကြောင်းအရာများကိုသာ​ ပြောကြား​နေခြင်းဖြစ်​ပါက – ယင်းတို့မှာ ကာလတို အချိုသပ်​​ရေး (အပြန်​အလှန်​?) ချဉ်းကပ်​မှု အဖြစ်​​သော်​လည်း​ကောင်း၊ ပင်​မသို့မ​ရောက်​​သေးသည့် နိဒါန်းချီစကားများ အဖြစ်​​သော်​လည်း​ကောင်း၊ အ​ရေးပါမှုဒီဂရီ နည်းသည့်ကိစ္စများအဖြစ်​​သော်​လည်း​ကောင်း၊ အပရိက စကားများအ​နေဖြင့်​သော်​လည်း​ကောင်း မှတ်​ယူနိုင်​သည့်သ​ဘောရှိနိုင်​ပါသည်​။

နံပါတ်​တစ်​အချက်​ကို စဉ်းစားရာတွင်​ ​မေ့ချင်​ယောင်​​ဆောင်​ပြီး ထည့်စဉ်းစားခြင်းမပြုဘဲ​နေလို့မရသည့် အခြင်းအရာ အချို့ရှိပါသည်​။ ယင်းအခြင်းအရာတို့အနက်​ အချို့မှာ – ဗမာပြည်​နယ်​ ဖွဲ့စည်း​ရေး ဆိုသည့်ကိစ္စ နှင့် မည့်သည့် EAO ကမှ လက်​နက်​ဖြုတ်​သိမ်းလိမ့်မည်​မဟုတ်​ ဆိုသည့် အ​ခြေခံအထိုင်​ကိုယူကာ အနာဂတ်​ နိုင်​ငံ (သို့မဟုတ်​) နိုင်​ငံ​ယောင်​ကို တည်​​ဆောက်​ရန်​ စဉ်းစားကြရ​တော့မည့် အ​ခြေအ​နေ ​ရောက်​​နေပြီလား ဆိုသည့်အ​ကြောင်း အပါအဝင်​ ဖြစ်​ကြပါသည်​။

ဗမာပြည်​နယ်​ကိစ္စအားဖြင့် ဗမာလူထုမှာ ယခုမှ shock ရခါစ ရှိ​သေးသည်​။ shock အလွန်​ အသားကျသည့် ကာလ​ရောက်​ရန်​ များစွာလို​သေးသည်​။

EAO များတက်​သင့်မတက်​သင့် ကိစ္စ အပါအဝင်​ အခြား ဆက်​စပ်​အ​ကြောင်းအရာများစွာ ရှိပါ​သော်​ငြားလည်း ဤစာစုတွင်​ မ​ဆွေး​နွေးလိုပါ။

KZO
27th April 2022



The Mog Nation Wiki

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s